Tedim Nih Ram Le Miphun Caah Nunnak Petu Hna Caah Leiba Phuba Kan Cham Hrimhrim Lai

Ram Le Miphun Caah Nunnak Petu Hna Caah Leiba Kan Cham Lai Tiah PDA-Tedim Nih Raldoh Dingin Biakam Nak An Ngeih Cang. Chin ram chungah Mipi ralveng tu PDA Tedim pawl nih raldoh cawnnak training zerhhnih chung cu an lim cang. November 9 ahkhan limnak puai cu an tuah tiah PDF nih an facebook cahmai ah an taar. “Kan miphun zalen nak kan hmuhkhawh nak ding caah le mipi nunnak siseh, inn le lo si hna seh Federal Democracy kan ngah khawh nak ding caah nunnak thaap in a thisen a petu kan unau hna caah leiba kan cham tthan lai. Kan hmuitinh mi Federal Democracy kan hmuhkhawh hlan tiang PDA zong nih raldoh nak hmunhma kan lut laibtiah biakam nak kan ngei” tiah an langhter.

NUG nih Rangoon ramthen chungah ralhrang nih PDF 39 le anmah bawmtu tiah ruahmi mi sawhsawh 8 an tlaih hna tia Nov 17 ah cathanh a chuahmi kong he pehtlai in NUG Cozah i Rangoon ramthen raldohnak lei tlangtlatu bu (ရန်ကုန်တိုင်းစစ်ဒေသခွဲကွပ်ကဲရေးအဖွဲ့) tlaih a tongmi PDF 20 leng an si tiah an fehter. Tlaihmi hn hi Nov 12-17 chung kahdohnak he pehtlaihnak a ngeimi an si tiah ralhrangbu nih a thanhmi cu a hmaan ko nain a hmaan thlu lo tiah Ramthen raldohnak lei tlangtlabu thawngthanhnak tuanvo ngeitu nih a chim.

Cu pa nih cun “Tlaihmi hna chungah kahdohnak i aa telmi zong an um bantukin mi sawhsawh zong an i tel. Hi kongah i mawhchiat ding um lem lo. Dohnak timi ah tei le sungh cu um phung a si. Mipi himnak caah raltha taktak in a doha kan ralkap hna hi kan i uangthlar tuk hna” tiah a chim.

PDF 20 leng an tlaih hna ning hi fiang tein theih a si lo. NUG nih D-Day a thanh hnuin NUG tang runvennak vuanci Southern Command nih Pyan Hlwa Aung (ပျံလွှားအောင်) Oparation cu Rangoon, Bago le Ayeyawaddy ramthen chungah an lakpi i Rangoon khuahcungah kahdohnak le bomb puah a zual chin lengmang.

Rangoon ramthen chung kahdohnak hna cu Southern Command tang i a ummi Rangoon ramthen raldohnak lei tlangtlabu nih an hruai hna tiah theih a si. PDF chungtel tlaih a tongmi an tam ko nain Pyan Hlwa Aung Oparation cu kan ngol lai lo, hi nakin a fak deuhmi kahdohnak kan tuah lai i raltha tein na dir-onh khawh nakhnga rak i timtuah ti kha biacah kan duh tiah tuanvo ngeitu pakhat nih a chim. Mipi zong nih mah le zawn cio in ralhrang dohnak ah i tel ve ulaw PDF hna ca zongah thazaang a si lai tiah a chim fawn.

Ref: Myanmar Now

Author: admin

Leave a Reply

Your email address will not be published. Required fields are marked *