Zahan Zan Hakha Khuapi Chung Kahdohnak Ah Ralhrang Lei Hliam Pu Mi An Tam

Zahan zaan Hakha khuathar i kah nak ah Ralhrang lei hliamhma pu mi an tam.Zahan November 16, zaan 7:00PM hrawng ah Hakha khuathar ah Ralhrang cu CDF nih an kah hna. Ralhrang lei hliamhma a pu mi an tam tiin theih asi. “A thli tein kan pel hna i kan kah hna, a muih cang caah pazei zat an thih cu ttha tein kan thei kho lo. Hliamhma a pu mi cu an tam lai. CDF lei cu hliamhma pu lo tein kan kir kho tthan” tiin chimphuan nak nawl ngei tu pakhat nih a chim.

Hakha khuathar um mi pakhat nih “An i kah nak hmuh tuni kan zoh pah i meithal Kuan bawm tamtak le lamcung ah thi tam ngai kan hmuh” tiin a chim.Zahan Hakha khuathar lei an i kap lio ah Kohkuun pawng ah buk aa ser mi Ralhrang hna nih caw pakhat cu CDF ah kan rel an ti caah an kah sual i a thi tiin Kohkuun sang um pakhat nih a chim.

Relchap: Hmandaw Khuami “Salai Cung Chin Thang” a Pu Ruak a Tlunpinak Lampi ah SAC Ralhrang nih an Tlaih.Civil Engineering (BE) in Degree a la cangmi Hmandaw khuami Salai Cung Chin Thang cu nihin chun ah Kalay sizung ah a nunnak a liammi a pu ruak khua lei a tlunpinak lampi, Kapany hlei pawng Check Point ah SAC ralhrang nih an tlaih, tiah thawng kan theih.

Khuami pakhat nih, “A pu ruak a phormi motor hmai ah anih hi motorcycle in a kal. Hmandaw phak hlan Kapany hlei pawng Check Point ah PDF he pehtlaihnak a ngei lai tiah lunghrinh in ralkap nih an tlaih,” tiah a chim. Salai Cung Chin Thang an tlaih lio a hmutu khuami pakhat nih, “An tlaih i an velhnak thawngpang hi lamhlatpi hmanh in kan theih. An thlah tiang kan hngah lai kan ti nain ralkap bawi pakhat nih hngak hlah u.

Nan caan lam a paam. Kan checkhlat dih in kan thlah ko lai a kan ti. Salai Cung Chin Thang i a Hmatpungttin (ID) le tangka bawm a kan pek i a kan kalter,” tiah a chim. Salai Cung Chin Thang hi atulio hriamtlaih cawlcanghnak zong aa tel lomi a si i, khua ah chungkhar he a ummi a si. A pu ruak tu cu inn ah a phan cang nain amah belte atu tiang inn a hlam rih lo, tiah khuami hna nih an chim.

Credit: The Chin Journal

Author: admin

Leave a Reply

Your email address will not be published. Required fields are marked *