Tuchun Ah CNDF Le Tangrual Ralkap Hna Nih Ceilak Teh Ralhrang An Thah Hna

Mani sun kahawknak ih mipi humhimtu hriamkaibu pawl a simi; CNDF le PDF (Kalay) komin kulhbetmi ralhrang SAC kuthnuai ralkap pawl cu CNDF, CDF (KKG) le PDF (Kalay) pawl ṭangkhawmin tuini ah nahzi pakhat sung hrawng an kapih SAC ralkap lam in a malbik mi (10) leng an thi a si.

Tuini kahawknak ah ralhrang SAC lam ihsin hriamhreipi le ralthuam dandang thawn luarkai zetih an kap ruangah mipi humhimtu hriamkaibu ṭangrual CNDF ihsin hriamhreipi ih a peh ngahmi, thlaphan um lemlo hriamtuar pakhat a umih, a dang pawl cu himdamten kan sipsal thei a si.

Ralhrang SAC ralkap pawl thi hlo le hriamtuar an tam zet ruangah bawmtu ding ralkap tam zet an ko-aw ih, ziangvek caan khalah kahawknak suak bet thei ringring dinhmun a si ruangah ral kahawknak kiangkap ih a ummi mipi pawl ralringte’n feh sukso cio dingah kan lo theihter a si.

Source: Chin National Organization

Author: admin

Leave a Reply

Your email address will not be published. Required fields are marked *