Tuchun Ah Kalay pengkomh PDF Nih Ralhrang An Phomh Hna Ning Lung Hmui Taktak

Mingin ah ralhraang bomb puah an tong i 10 nak tlawm lo an thi.Sagaing ramthen, Kalay pengkomh, Mingin peng, November 15 zing ah ralhraang pawl cu PDF nih bomb in an puah hna tiah kan theih.Nihin zing suimilaam 10:00 hrawng ah ralhraang phu cu Kyaukkhetet khua lei in zalampi zul lo in lamphawk in an rat lio ah a hlankan hmanh cia mi bomb in kan puah hna tiah PDF hruaitu nih a chim. Bomb kan puah hna le cangka ralhraang pawl cu an lau i hnulei kir in an zaam lio ah tualchung PDF phu nih dawi in kan kah hna caah 10 nak tlawm lo an thi lai tiah a chim. Ralhraang pawl hi an thilthuam i hruk lo in zaangleknak thilthuam an i hruk, 80 hrawng an si tiah kan theih.

Relchap:US nih Vietnam ah ral an rak tei khawh lonak hi a ruang tampi a rak um i, cu lakah aa telmi cu,US Ralkap nih Vietnam πŸ‡»πŸ‡³ fing le tlang an hngal lo. Khua caan an iziak lo. Vietnam πŸ‡»πŸ‡³ Ralkap nih an hmanmi, β€œguerrilla tactics” raldoh ning hi training pakhat hmanh an rak ngei lo. Cun, US Ralkap hi lahkhah ei pawcawmnak ah ral a tumi an si i, Vietnam cu anmah miphun le ram isehchihnak he ral an doh. Teimaknak le nunthapnak ah Vietnam πŸ‡»πŸ‡³ nih an tei cia hna.

US Ralkap hi, US rammi nih an support hna lo. Vietnam πŸ‡»πŸ‡³ ral dohlo ding in US Mipi nih sandah an piah hnawh fawn hna. Cucaah, vawlei cung ah hriamnam tthabik le a thawngbik an si ko nain, Mipi dirpi lomi, ralram ah a kalmi ralkap thinlung lei derthawmnak le Fing le tlang an hngalh thiam lo pinah an cawn lomi guerrilla tactics in Vietnam Ralkap nih an phawmh hna tikah, an thi thluahmah ko. Cucaah, ral zong an sung beh.

Tulio MAH ralhrang hi Vietnam πŸ‡»πŸ‡³ ral lio US bantuk an si. Hriamnam tha an ngei ko nain Chin ram fing le tlang an hngal thiam lo. Khuacaan zong an iziak lai lo. MIPI dirpinak an ngei lo. Paw ca ral a tu sawhsawhmi an si. Emotional in an der cia. guerrilla tactics raldohnak in ivennak lei zong hi training an ngei lai ka zum lo. Asinain PDF le CDF cu cause ram le Miphun dawtnak he an ngeihchunh an nunnak thap in ral a tumi Vietnam πŸ‡»πŸ‡³ Ralkap bantuk an si. guerrilla tactics an hman. Thinlung le ruahnak in an thawng tuk. An hnu ah Mipi millions in an dir. Mipi support nak a sang tuk. Cucaah, tulio ral hi PDF/CDF nih an tei te ko lai.

Credit:Zasang Cinzah

Author: admin

Leave a Reply

Your email address will not be published. Required fields are marked *