Sunday Tuchun Chinram Telh In Kawlram Thawngpang Cheukhat Update Thar

Tedim kahdohnak ah Kawl ralkap 2 thah, meithal zuun 2, phone 2 le tangka laak.November 5 lio, Tedim Peng chung Kennedy tlanghram kahdohnak ah CDF-KKG+CDM-Siyin, le PDF-Zoland nih Kawl ralkap 2 an thah hna, meithal zuun 2, phone 2 le tangka an laak, tiah theih a si.Hi kahdohnak ah Kawl ralkap lei aa hliam mi an tam i BA-meithal zuun 2, phone 2 le tangka an laak, tiah CDF-Kalay-Kabaw-Gangaw (CDF-KKG) nih an thanh.CDF-KKG lei in Tg.Pau Gin Thang mual a liam ve, tiah theih a si.

YDF nih Kawl ralkap 10 thah, 15 hliamh.Nihin November 7, zinglei ah Kyaw khua lei in a ra mi Kawl ralkap 100 cu bomb kan puahhnawh hna i 10 an thi, 15 an i hliam, tiah Yaw Defense Force-YDF nih an thanh.

 

Pinlebu ah CDM tuah hmasabik palek Myo Thant Zin Hein mual a liam.November 5 lio Sagaing Ramthen, Katha Pengkomh, Kawlin Peng, Pinlebu kahdohnak lio ah Pinlebu Peng in CDM tuah hmasabik mi palek Myo Thant Zin Hein cu a nunnak a liam, tiah PDF Channel nih a langhter.

Nihin November 7 zaanlei, Dalaan nih phuan ruang ah Kawl ralkap pawl Hakha Haithlan ah an kal i meithal le bomb an puah, khuami 2 zong an tlaih hna, tiah kan theih.”Hi thil a can hi 2:40 PM in 4:00 PM tiang hrawng a si i meithal cu zuun tamlak an puah. Bomb voi khat an puah fawn. Khuami pahnih an tlaih hna. Cun, Tin Tin pa (Thlang um Sang) inn zong an bauh i thilri an laak. Hihi Dalaan nih Haithlan ah ral an um tiin a chimh ruang ah a si,” tiah khuami pakhat nih The Hakha Times ah a chim.

Author: admin

Leave a Reply

Your email address will not be published. Required fields are marked *