Dalaan Ruangah Hakha Thil Cang Mi Le Thantlang Kahdohnak Thawngpang

Hakha Haithlan ah Kawl ralkap nih bomb le meithal an puah, khuami 2 an tlaih hna.Nihin November 7 zaan lei suimilam 3:30 PM hrawng ah Ralhrang nih Hakha Haithlan ah meithal le Bomb an puah tiin khuami pakhat sin in kan theih. ” Dalaan nih Haithlan ah CDF an um tiin a chim hna caah Ralkap an ra. A ra mi an tam ngai. Meithal tamlak an puah.

Bomb voikhat an puah. Khuami pahnih an tleih hna. Tin Tin Pa te inn zawng an bauh i thilri zawng an lak” tiah khua mipakhat nih The Chin Post ah a chim. An tleih mi hna pahnih cu ho an si theih asi rih lo. 3:30PM hrawng Hakha thar lam ruk ton nak zong ah Ralhrang nih meithal an puah sawh sawh tiin Hakha thar khuami pakhat sin in kan theih.

November 6 tuzing ah Thantlang khua ah CNA / CDF Thantlang le Ralhrang kar kahdoh nak a chuak tiah kan theih. Thantlang khua Ralhrang Sakhan cu CNA/CDF Thantlang i Bawm in tuzing ah kan kah, Ralhrang lei nih hriamngan an rak kah caah TABC Ngaktah sianginn telh in inn 4 a kang, Ralhrang lei in a thi mi le hliam a tuar mi zat dik thlir kan theih kho rih lo.

CNA lei in pasal tha pakhat nih ram le miphun caah a nun nak a pek, CDF lei in minung pahnih nih hliam an tuar tiah CNA chimphuannak nawlngei Salai Htet Ni nih The Chin Post ah a chim. Chin Ramkulh hmunkip ah kahdoh nak a fak kho mi si caah mipi nih um kal i ralring cio hna u sih tiah Salai Htet Ni nih a chim chap.

 

Credit: The Chin Post

Author: admin

Leave a Reply

Your email address will not be published. Required fields are marked *