Mindat peng hmun hnih ah CDF-Mindat le Council ralhraang fakpi in an i kap

Mindat peng hmun hnih ah CDF-Mindat le Council ralhraang fakpi in an i kap.Nihin zinglei suimilaam 8:00 hrawng ah Mindat khua Nitlak lei, Mindat-Matupi lam meng ruk le meng kua pawng ah an i kap i Council ralhraang nih hriamnam ngan petlai in an kah tiah theih a si.Mindat-Matupi lam meng 43 zawn ah zaanlei suimillam 2:00 hrawng in an i kap.

CDF-Mindat nih raltuknak motor pahnih aa tel mi ralhraang motor phu cu hnu le hmai ceh in an kah hna i, a thi le hma pu zat theih a si rih lo tiah CDF-Mindat nih an thanh.Nizan i Mindat le Matupi karlak an i kahnak zong ah ralhraang lei in 10 an thi i tampi hma an pu, CDF-Mindat lei in pakhat a nunnak a liam i pahnih hma an pu tiah theih a si.


By.Zasang Cinzah: Ralhrang nihcun kan chawva, kan inn-lo, le kan ram cu an hrawh ko lai nain Chin Miphun cu an hrawh kho lai lo. Thantlang khua cu an khanh khawh nain Chin Miphun thazaang le thil ti khawhnak cu an khanh kho lai lo. Ralhrang uk bu le hrem bu hmanh in, Sui Thantlang ah inn ttha le lo ttha kan sak khawh ahcun, Ralhrang tei in luatnak/ liberty kan hmuh tik ahcun, nihin ah ralhrang nih an hrawhmi nak a let 💯 in, inn ttha le inn dawh in Thantlang khuapi kan thuam tthan te lai. Nihin ah kan tonmi ngaihchiatnak, ttahnak le lungkehkuainak hi hmailei lunglawmhnak le ram tha sernak caah innka/ door an si. Cucaah, ing zia le tuar zia thiam rih ko hna usih! Pathian kan lei ah a tang ko. Kan tei hrim lai.

Author: admin

Leave a Reply

Your email address will not be published. Required fields are marked *