Tuchun Thilcang Mi Thawngpang Fawi Tein Rel Khawh Nak Ding Khawmhsuat

Tuchun thawngpang dangdang: Matupi in a rak kir mi ralhraang motor phu CDF-Mindat nih an kah hna i ralhraang 10 hrawng an thi.Matupi in a rak kir mi raldonak motor pahnih tel in ralhraang motor 75 cu Mindat-Matupi lam hmun pakhat ah CDF-Mindat nih tu zing ah an kah hna tiah kan theih.Cuka ral an i tuknak ah cun ralhraang lei in 10 hrawng an thi i tampi hma an pu. CDF-Mindat lei in pathum hma an pu i cu chung ah pakhat cu a hma a fah ca ah a nunnak a liam, a dang pahnih cu thinphaang dirhmun an si lo tiah CDF-Mindat nih an thanh.

Kalay peng Thlanglei kahdohnak ah Council ralhraang 47 an Thi.Nihin zinglei Kalaymyo peng Thlanglei ah a chuak mi kahdohnak ah ralhrang 47 an thi tiah Kalay-PDF nih an thanh.

Council ralhraang pawl nih Kalaymyo peng Natchaung ah phone dawr an bauh i an fir than.Kalaymyo peng, Natchaung khua Super High horha seh le Phone dawr cu Ralhraang Council ralkap pawl nih an bauh i a chung ah a um mi mobile phone, top up hna cu an fir tiah theih a si.Ralhraang Council ralkap pawl nih Kalay Thlanglei ah a um mi Natchaung, Natmyaung, Chaungkhuah khua hrawng ah thapi chuah in an nawr ca ah khuami pawl cu umhmun chuah taak in an zaam tiah theih a si.

Myaung peng ah ralhraang motor Bomh puah an tong; palek le ralhraang 15 nak tlawm lo an thi.Sagaing ramthen, Myaung peng, Bomyattha khua thlanglei Puaktaw tiva hlei pawng ah ralhraang motor bomb an puah hna caah 15 nak tlawm lo an thi tiah kan theih.Myaung peng tangti phu 10 i bawm in November 2 zaanlei suimilaam 2:30 hrawng ah ralhraang motor pathum cu Bomb in voi hra kan puah hna tiah tangti phu nih an chim.Bomb puah ruang ah motor chung um palek le ralhraang hna cu an i hlerh dih i 15 nak tlawm lo an thi. Mizapi vengtu lei in hliam tuar kan um lo tiah an chim. October 30 ah ram le miphun ca ah man ngei tein a thi mi paraltha Eain Sat caah phuba kan hlam mi a si tiah tangti chungtel pakhat nih a chim.

Ref.DVB

Author: admin

Leave a Reply

Your email address will not be published. Required fields are marked *