Myaung peng ah ralhraang motor pawl cu an i rin hlan ah Bomb in an phomh hna

Myaung peng ah ralhraang motor Bomh puah an tong; palek le ralhraang 15 nak tlawm lo an thi.Sagaing ramthen, Myaung peng, Bomyattha khua thlanglei Puaktaw tiva hlei pawng ah ralhraang motor bomb an puah hna caah 15 nak tlawm lo an thi tiah kan theih.Myaung peng tangti phu 10 i bawm in November 2 zaanlei suimilaam 2:30 hrawng ah ralhraang motor pathum cu Bomb in voi hra kan puah hna tiah tangti phu nih an chim.

Bomb puah ruang ah motor chung um palek le ralhraang hna cu an i hlerh dih i 15 nak tlawm lo an thi. Mizapi vengtu lei in hliam tuar kan um lo tiah an chim.October 30 ah ram le miphun ca ah man ngei tein a thi mi paraltha Eain Sat caah phuba kan hlam mi a si tiah tangti chungtel pakhat nih a chim.

Mandalay ramthen Kyaukse peng Tinpyo khuabawi cu DKDF nih a zungkhaan chung ah luhhnawh in an kahthah tiah theih a si.An kah mi pa hi kum 50 hrawng U Thein Htay a si i November 1 zaanlei suimilam 6:00 hrawng ah Khuabawi Zung chung in mei man pekding tlang a au lio ah kahthah a ton hi a si.

“Amah hi ralhraang dalaan tuan lo ding in ralrinnak kan pek cia cang nain zahan zaanlei sang ah khualai i an zung chung in mei man pek ding in tlang a au lio ah zungkhaan chung luhhnawh in voi thum kan kah i a thi” tiah DKDF thawngthanhnak nawlngeitu nih a chim.

Ref. DVB

Author: admin

Leave a Reply

Your email address will not be published. Required fields are marked *