Tuchun Ah Ralhrangbu Motor Bomb In An Kah Ciammam Hna I Minung Sawmthum Reng Lo Thah An Si

Kachin ram lei ah a kal mi ralhraang motor pawl bomb an puah hna ca ah 30 hrawng an thi.October 30 ah Kachin ram lei i ah rak kai mi ralhraang motor phu cu Bomb puah an tong i ralhraang 30 hrawng an thi tiah tualchung mi nih an chim.Zaanlei suimilaam 3:00 hrawng ah Sagaing ramthen lei in Kachin ram lei ah riahcaw le ralhraang thazaang chapding in a ra mi ralhraang motor pasarih cu Tigyaing peng Kyawitaw khua pawng ah bomb puah an tong.

Khuami pakhat nih “motor pahnih cu an kaang, a dang panga cu Myitkyina lei ah an lan thluah mah. PDF pawl nih i bawm in an puah mi a si,” tiah a chim.A lan mi ralhraang motor panga zong cu Mawhan le Namsiaung khua pawng ah zaan suimilaam 7:00 hrawng ah bomh puah an tong than i motor pathum cu an kaang dih, motor pahnih cu tlawmpal lawng aa rawk caah an lan chih tiah tualchung mi nih an chim.

Bomh pauh a tong mi ralhraang motor hna hi Sagaing lei in Kachin ram lei ah riahcaw le ralhraang thazaang chap ding in kuat kalter mi Tatmah 88 le Tatmah 77 tang um battalion an si tiah kan theih. Cu kahdohnak ah ralhraang 30 hrawng an thi tiah Moengyin PDF nih an thanh. A thi mi ralhraang hna cu Moengyin PDF nih zaan ah an ruak an fimtawl hna tiah mit hmutu nih an chim. Ref: DVB

Relchap:Chin ramkulh, Thantlang khua cu ralhrang phu nih meikhangh in an hrawh hnu ah USDP party in biachimnak nawlngeitu Nan Mya Mya Mimi Zaw, ralhrang in tat-kyat-gyi Phoe Si, ralhrang lei dirmi Han Ngein Oo hna nih an social media ah teinak kanhmuh tiah an langhter, ralhrang phu hna nih khuadang zong hrawh a si rih lai tiah hrocernak le tlerhkhonh nak ca an langhter tiah theih a si.

Thantlang khuachung dihlak ngawt in meikhangh piak le hrawh an ton bantukin, khuadang zongah Thantlang bantuk hrawhpiak dingmi khua a um than lai tiah USDP party biachimnak nawlngeitu Daw Nan Mya Mya Mimi Zaw nih a social media ah a langhter.“Thil a can hnu ah nan mitthli hrual hlah uh, kan thawng tiah nan i uarthlainak rak i zoh rih uh Thantlang” tiah Daw Nan Mya Mya Mimi Zaw nih a langhter.

Cun ralhrang phu tanhtu tat-kyat-gyi Phoe Si nih ralhrang phu hna Thantlang khuachung mei an khanghnak cu lungtlin in khuate lei zong an hram chah chap ding tiah telegram ah tlerhkhonhnak ca a tial.“Minung pakhat a thih ah cun let 10 in la than uh, khualuhnak bomb an hmanh ahcun cu khua cu an hram in chat uh” tiah a tial.

Cun “Sakhan ah lutin an hrawh lio ah a tu bantuk bia an chim lo, inn 3 hrawng meikhangh piak an ton ah, an pa ei theih ding in an au” tiah ralhrang riantuannak a tanhtu tat-kyat-gyi Phoe Si nih a tial. Cun ralhrang tanhtu Han Ngein Oo nih Thantlang khuachung ralhrang nih mei an khanghmi cung ah i lawm ko uh tiah a tial.Thantlang khuachung ah ralhrang phu hna nih hriamngan in an kah caah inn 163 le Biakinn 2 cu dapcaam ah a cang dih tiah theih a si.

Source: Khit Thit Media

Author: admin

Leave a Reply

Your email address will not be published. Required fields are marked *