Thantlang khua Inn Thong leng umnak Aciamh dih hnu ah maw Kan CNA le kan CDF hi Nan Chuahte ne lai

Ram le miphun caah kan i bochan tuk mi Olivia Nu CinZah nih a mah fb cahmai ah mah ti hin a tar langh ko cang,”Thantlang khua Inn Thong leng umnak Aciamh dih hnu ah maw Kan CNA le kan CDF hi Nan Chuahte ne lai.Khualu khuataw in Rakduah dih lawlaw ulaw Ciam cikcek seh ca .Zei cadah atu tianghi Nan cawl lo tiah a mah facebook cahmai ah a tar langh.

Pi Hniar Te bia,Thantlang kan inn cu 2002 kum ah Bawipa nih a kan pek i 2021 ah Bawipa nih a lak than.Kum 20 chung dengmang a kan hlanh mi cung ah Bawipa sin ah kaa lawm kanmah kan him.

Thantlang inn kaang kong ah CNF Spokesman Salai Htet Ni nawlnak bia.Thantlang inn kaang mi kong ah The Hakha Times in mizapi nan sin ah biatawi chim ka duh.Thantlang mizapi hi CNF/A kan dirhka in nihin tiang a kan dirkamhtu le nan thihnak ah kan thi lai, nan pawngte ah kan um peng. Kan in dirkamh hna, tiah nan kan ti mi bia nan tlinh.

Ralhrang nih nawlngeihnak an lak hnu kahdohnak ruang ah nan nunnak le nan innlo tampi ram le miphun caah nan pek fawn. Minung sinak ah tuar a har tuk hringhran mi nan tuar.CNF/A le CDF nih hin thazaang le thluak kan ngeih khawh chung kan cawlcaang ko nain Thantlang kan mizapi le kan Chin mizapi kan in khamh kho rih hna lo.

Kan ngaih a chia tuk. Rak kan ngaithiam rih ko ulaw.Kan Biakmi Pathian nih hin a kan zoh sawhsawh ko hlah maw, titiang ka lung a a chuak (Pathian nih rak kan ngaithiam hram ko seh).”Hi leiba hi Ralhrang pawl nih a kan cham hlan tiang kan hal lai. Leiba kan cawh peng hna lai…”

Author: admin

Leave a Reply

Your email address will not be published. Required fields are marked *