Pathian Chin mi nih kan in biak mi Pathian ka chim sual ahcun ka ngaithiam hram kosawh

By.Tinduh Thang: Hlanlio Israel Miphun Izip Sal In A Chuahtu Hna Kha Kan Biak Mi Pathian hi na si ve maw?A nung mi Pathian,Chin mi nih kan in biak mi Pathian ka chim sual ahcun ka ngaithiam hram kosawh.Jehovah Pathian,Chin mi nih kan in biak mi hi a nung mi Pathian na si ko le Israel hna hlanlio ah Izip salin a chuahtu hna kha ,Chin miphun ,Pathian na si ve ko i,Nai khah ko ahcun,Tutan i Chin mi nih kan ton mi ngaihchiatnak hi ksn theihpi law ,Milem a bia mi hna tiah kan ruah mi,Ralhraang pawl hi na van ralkapbu hna hmangin kan kut ah kan pe kocang.Cun,Ka hmurka hin nangmah thangchiatnak bia hi chuahter sawh hlah tiah ,Jesuh Khrih min in kan nawl..Amen!

Relchap:Thantlang inn kaang kong ah CNF Spokesman Salai Htet Ni nawlnak bia.Thantlang inn kaang mi kong ah The Hakha Times in mizapi nan sin ah biatawi chim ka duh.Thantlang mizapi hi CNF/A kan dirhka in nihin tiang a kan dirkamhtu le nan thihnak ah kan thi lai, nan pawngte ah kan um peng. Kan in dirkamh hna, tiah nan kan ti mi bia nan tlinh.

Ralhrang nih nawlngeihnak an lak hnu kahdohnak ruang ah nan nunnak le nan innlo tampi ram le miphun caah nan pek fawn. Minung sinak ah tuar a har tuk hringhran mi nan tuar.CNF/A le CDF nih hin thazaang le thluak kan ngeih khawh chung kan cawlcaang ko nain Thantlang kan mizapi le kan Chin mizapi kan in khamh kho rih hna lo.

Kan ngaih a chia tuk. Rak kan ngaithiam rih ko ulaw.Kan Biakmi Pathian nih hin a kan zoh sawhsawh ko hlah maw, titiang ka lung a a chuak (Pathian nih rak kan ngaithiam hram ko seh).”Hi leiba hi Ralhrang pawl nih a kan cham hlan tiang kan hal lai. Leiba kan cawh peng hna lai…”

 

Credit: The Hakha Times

Author: admin

Leave a Reply

Your email address will not be published. Required fields are marked *