Tuchun Kawlram Hmun Dangdang Thawngpang A Su Deuh Mi Khawmhsuat

Penguk, Sanguk, Pyu-saw-htee le Dalaan cu hmunril in thah lengmang an si. Myanmar ram pumhuap in Penguk, Sanguk, Pyu-saw-htee le Dalaan a tlawm bik minung 12 an nawn hna, tiah theih a si.October 28, Mandalay Ramthen, Sintkann Peng, Paleik khua ah Khuabawi Aung Myint cu PDF nih an thah. Sagaing Ramthen thiamthiam, Tigyaing (Htee-chaing)ah Dalaan Naing Tun cu Fox-army HPDF nih an fimtawl ve.Ayeyarwaddy Ramthen, Bukalay ah Dalaan Chit San Maung (nifatin in PDF pawl biachiakha in a vawlpaamtu) zong an fimtawl thiamthiam.Mandalay Ramthen, Mattayar Peng ah Dalaan hna nuva U Than Tun te nupa zong fimtawl an si.

PDF pawl bawmhnak pek lo ding Palek lutlai Than Hlaing nih a hroceer hna.Sagaing ah a cawlcang mi PDF pawl hi chawhrawltu le zaatlang phu hna nih bawmhnak pe hna hlah u, tiah Chief of Police Than Hlaing nih a hroceer hna, tiah theih a si.Nihin October 28 Monywa Zungkipkomh Zung ah chawhrawltu hna le zaatlang bu pawl cu Than Hlaing nih meeting a auh hna i atu bantuk in hroceernak bia a chim hi a si, tiah KTM nih a langhter.

Meiktila ah Than Seo Hlaing cu a nulepa nih PDF a luh ruang ah fa sinak in an hlawt. Mandalay Ramthen, Meiktila Peng um U Myint Naing le Daw Pyuan Ri hna nih, “Kan fapa Mg. Than Soe Hlaing cu nulepa chimhhrinnak ngai loin amah duhthimnak lam a zawh caah nihin thok in fapa rocotu sinak in kan hlawt,” tiah an thanh tiin Mizzima nih a langhter.

Nifatin in PDF pawl bia thalo in a vawlpaamtu Bukalay Dalaan an nawn.Ayeyarwaddy Ramthen, Bukalay Peng ah PDF pawl nifatin in a vawlpaamtu Dalaan San Maung cu nihin zinglei 10:00 AM tluk ah meithal in an kah i a thi.”San Maung hi Crony zong a si i Dalaan lianpi zong a si. Kawl ralkap sin ah nifatin thawng a pek hna i PDF pawl biathalo in a vawlhpamh lengmang hna ruang ah kan kah mi a si,” tiah Rammi Ralkap Phu pakhat nih an thanh tiah Ayeyarwaddy Times nih a langhter.

Author: admin

Leave a Reply

Your email address will not be published. Required fields are marked *