Ralhrangbu Nih An Tlaih Mi Hna Mipi Minung Hleikua Cu Mit Huh Bu In Ralphaw Ah An Hman Hna

Shan ramkulh le Kaya ramkulh an i pehnak zawn i a ummi Phekhone peng Shwee Pyi Aye khuami 19 hna cu ralhrang nih an mit an huh hna i ralphaw ah an hman hna. Kum upa tar zong an i tel.Khet Thit Media

Tulio Hakha khuachung ah Covid zawtnak checkmi chung in zawtnak hmuh a si zungzal. Tlawm an check,tam an check zong ah Covid zawtnak cu an hmuh peng.Hakha khuachung ah tulio hrawng Covid zawtnak ruangah nunnak liammi hi, nifatin ngawt in an um, zawtnak ruangah nunnak liammi ruak ai ton caan zong a tlawm ti lo caah a poi ngai te ko.

Zawtnak a kian nak ding caah, Hakha khuachung um sangkip cio le mah le pumpak, chungkhar cio nih ralrinnak he thlacam kan daithlan lo ding a biapi tuk.Hitluk zawtnak a tam le, zawtnak ruangah nunnak liammi nitin ngawt in an um lio ah cheukhat cu leng kan chuah, kan um/kal nak ah ralrinnak zong kan ngei lo, mask huh hmanh kan daithlang taktak.

A umkal khomi kanmah zawn lawng i ruah lo in, kan pawngkam,chungkhar tar nu/tar pa le ngakchia zawn ruat in ralrin deuh i zuam ko hna uhsih.Covid zawtnak tuarfahtuk ruangah nunnak a liammi kan khua kan ram ah an tlawm ti lo dakaw .i ralring deuh rih ko hna uhsih!

By. Mai Anna Par (Journalist of the Chin Post)

Author: admin

Leave a Reply

Your email address will not be published. Required fields are marked *