Tuzan Hakha Khuapi Chung Le Kiangkap Puak Keh Mi Thawngpang Theih Duh Mi Caah Update

Hakha Khuapi Tlirh in Bomb a Puak.Tu zaan sml. 8:40 hrawng ah Hakha khuapi tlirh in bomb thang ngaiin voi hnih a puak.”A puah ning a thang taktak. Hakha pi a tlirh ko. Khuazei lei in ngaingai a puah cu kan thei lo. Meithal zong pehzul in puak. Atu cu a hun dai tthan cang,” tiah khuami pakhat nih a chim.Hakha khuachung ngaingai in bomb puah thawng a than lonak hi ni zeimawzat a si cang i atu zaan ah thang ngai in a hun puah tthan hi a si. Atukar Hakha khuachung ah Khualcazin check tibantuk zong a um pah. Tianzaan (October 24) ah khan khualcazin checknak ah nu pakhat telh in minung 5 an rak tlaih hna i nu pakhat le pakhat cu an thlah tthan cang hna, tiah thawng kan theih.

Relchap: Uknak thalo doh a duh mi phu pohpoh he kan tangti lai i cu uknak thlo kan doh lio ah thildik lei ah a dir lo mi phu pohpoh cu mizapi ral asiloah zaatlang-ral tiah ruah an si ko lai, tiah Kachin ralkap KIO/KIA Chairman Gen. N’Ban La nih a chim.Hi bia a chim hi nihin October 25 ah KIO/KIA kum 61 a tlinnak ni biachimnak ah Gen.N’Ban La nih a cihmchih mi a si.

“Tutan dohthlennak ah nawlngeihnak latu Min Aung Hlaing te phu hi an hrambawngh nakding ah caantha bik a si. Tutan ah Kawlmi Miphun Ngan ti mi phungphai le an nawlngeih duhnak hi kan tei lo ahcun hmailei ah teinak lam a um ti lo kho mi a si,” ti zong a chim fawn.KIO cu 1960 October 25 ah rak dirh mi a si i KIA cu 1961 February 5 ah ralkap thazaang 100 tluk in rak dirh mi a si, tiah KTM nih a tial.

Thaton ah KNU/KNLA nih Kawl ralkap 14 kahthah, 9 hliamh.Nizaan October 24 Thaton Peng ah KNU/KNLA le Kawl ralkap kahdohnak voi 5 a cang i minung 14 an thi, 9 hliamh an si, tiah KNU nih an thanh.”Tutan kahdohnak ah Kawl ralkap lei a thi mi 14 an si i hliamh mi 9 an si. Hi nakin tam deuh an thi kho i hliamh mi zong an tam deuh kho. Kanmah lei aa hliam kan um lo,” tiah KNU lei nih an chim.

Credit: Laica+The Hakha Times

Author: admin

Leave a Reply

Your email address will not be published. Required fields are marked *