Hakha CDF hi khua tuak kho upa lungfim nih an hruai hna

Kan i lawm, mino tampi nunnak nan khamh khawh.Hakha CDF hi khua tuak kho upa lungfim nih an hruai hna. Kalay in a rami ralkap an thazaang a chah tuk, hrial rih awk asi timi fiang tein an theih caah Hakha ram chung ah an hrial hna. Saya Tluang Lian(Matar) nih cun ‘Pathian kan lei ah a tang ti lo hi teh, khuachia fate biaphuan a tling ne ai’ a ti lai i tuhi a tap len lai nain kei nih cun ‘Pathian nih kan mino hruaitu lungthin ah chiatha thleidan khawhnak ding fimnak a pek hna’ tiah ka ruah.

Hrial chung(retreat) hi surrender a si bak lo, raltha bik Napoleon hmanh nih Russia ralkap a hrial bal ve ko hna. Hruaitu nih cun raltuk hlan ah tei ding le tei lo ding tuaktan in biachah phung a si. Cheukhat nih cun Hakha CDF ralchiat an in puh men hna lai, nain kei nih cun kan tihzah bak hna, a puitlingmi nan biachahnak ka uar taktak. Mino nunnak tampi nan khamh khawh tiah ka ruah. Miphun dawtu nan cung ah kan i lawm.

Laimi lakah Kawl uar hlei zawtnak a tlung .Laimi cheukhat Kawl kan hei tihzah hna ning khi a mak tuk ka ti. Kawlca in an tialmi poah cu a dik dihmi ah kan ruah colh, Suu Kyi bia bantuk ah kan ruah dih, mak ko.Zahan kha aka rem lomi pakhat nih Ma Thazin Fans tiin Fb page pakhat a ser, like 56 te a ngah. Like petu hi Laimi deuh an si rih. Mah page ah cun Kawlca in ‘Lungthli Tum hi dalan a si, kan thah piak u’ tiah a tial. Tlawmpal ah a delete than.

Cucu tuaktannak thluak tling a ngei lomi Laimi cheukhat nih tihnung tuk ah an ruah ciammam i rel cawk lo screenshot an ka kuat, ‘aize! mah tluk hin maw Laimi cheukhat nih Kawlmi le Kawlca hi kan tihzah ko’ ka ti i ka ningzak ngai. Apple thei a tla i zeithei lo saveh nih vawlei a rawk cang, caan a dong cang lai tiah thi deng in a zam timi tuanbia kha ka hun i theih than.

Credit:Salai Lungthli Tum

Author: admin

Leave a Reply

Your email address will not be published. Required fields are marked *