CNA Le CDF In Ram Le Miphun Caah Nunnak A Petu Minung Pathum Cu Tuchun Ah An Vui Cang Hna

Rialti pawng ah an Hmuhmi Ruak cu CNF sin ah CDM Tuah in a Phanmi Sibawi a Si.Rialti khua pawng, lamthlang ah an hmuhmi ruak cu Yangon khua ah a ummi University of Medicine – 2 ah sii lei fimthiamnak a cawng liomi Ko Naing Htoo Lwin (kum 20) a si, tiah an hun hliah khawh cang. “Falam-Hakha karlak raldohnak ah hliam a pumi pawl thlop ding in anih zong a kal ve. An rak kir tik ah anih aa tel ti lo. Phone kan chawnh i voi khat cu a tlaih. Mah hnu ah a tlai ti lo. SAC ralhrang nih an tlaih hnu ah an thah i a si lai,” tiah CNF chimnak nawl ngei Salai Htet nih a chim. Naing Htoo Lwin i a ruak cu nizaan ah Falam-Hakha karlak mengtung 144KM zawn ah thacamnak tein ruakvuinak an tuahpiak cang.

Dr. Naing Htoo Lwin Thih Kong CNF nih Ngaihchiatnak Ca Chuah.CNA sii lei ralkap ah rian a ttuanmi Dr. Naing Htoo Lwin nih bia aa tiam bang in October 15 ah miphun le ram caah a nunnak a pekmi cung ah CNA nih upat hmaizahnak kan ngei i, taantakmi chungkhar kan ngaihchiatpi hna, tiah an langhter.

CDF-Thantlang in a Nunnak a Liammi Tlangval No Pahnih Nihin ah an Vui Cang Hna.CDF-Thantlang in a nunnak a liammi Salai Khamh Thawng Lian le Salai Hrang Thio Lian cu nihin ah an ruak an vui cang hna.Nizaan October 23, zinglei sml. 5:30 hrawng ah Hakha-Thantlang karlak ralram hmun khat ah SAC ralhrang Landmine an i lamh sual ruang ah an nunnak a liam hi a si.

Sayakyi Ral Uk COVID-19 Zawtnak in a Nunnak a Liam.Nihin zaanlei sml. 3:00 ah Hakha khua ah a ummi Sayakyi Ral Uk (84) cu COVID-19 zawtnak in an inn ah a nunnak a liam. Sayakyi Ral Uk cu Dr. Cung Bik Thawng i hringtu a pa a si i, Primary School sayakyi (Retired) a rak ttuanmi a si. Sayakyi Ral Uk te hi Bethel Baptist Church Khrihfabu chungtel an si. Nihin nikhat chung Hakha ah COVID-19 in minung pathum an nunnak a liam.

 

Credit:The Chin Journal

Author: admin

Leave a Reply

Your email address will not be published. Required fields are marked *