Falam Le Hakha Karlak Ah Mithi Ruak Hmuh A Si Na In Mizei Si Theih A Si Loh

Rialti khua pawng ah miruak pakhat hmuh, mizei a si hngalh a si rih lo October 23| Falam Peng Rialti khua pawng ah miruak pakhat an hmuh, aruak a tlol pah cang i mizei a si hngalh a si lo.Aluancia October zarh hnihnak hrawng zong ah Falam Peng Tuphei khuami 2 an ruak in an rak hmuh (char/hlawm) bal cang hna.Rialti khua hi inn 10 khuasa an si i SAC ralkap nih an khua ning in ni 2 chung ah an rak khangh dih, tiah kan theih.

CDF-Matupi nih Dalaan 3 an fimtawl/thah hnaCDF-Matupi nih Dalaan tiah ruah mi 6 kan tlaih hna i an sining kan dothlat dih hnu ah minung 3 cu September 26 ah khan kan fimtawl (thah) hna. A taang mi 3 cu October 7 ah khan kan thlah than cang hna, tiah cathanh an chuah.

 

Phyu khua ah palek pakhat thah, Pwintbyu ah sakhaanhmu le Palekbawi pakhat thi.October 22 zaan Bago Ramthen, Phyu Peng ah palek Si Thu Win cu nihin zing ah meithal in an kah i a thi.

October 20 lio Magway Ramthen, Pwintphyu (Pwintphyu) Peng ah sakhaanhmu (Chief of Police Station) le Du-ye-oh (Deputy Chief of Police) tel in minung 7 PRA-Magway le Pwintbyu PDF nih bomb in an thah hna.Hi lio ah Maway Ramthen in palek Kaung Htet Zaw cu CDM a tuah i YDF sin aa dor hnu October 21 ah a himnak hmun a phan cang, tiah KTM nih a tial.

Hakha Cawbuk Thlaan man kan siamremh than.Hakha Cawbuk Sang No.2 Thlaan man cu Ks.250,000 kan ti nain zeitihmanh in aa letthal kho ti lo. Tlakrawh man an kai tuk. Thetse zong a tlung kho ti lo i thlaan man cu Ks.300,000 ah kan kai than cang.

Cun, thlaan ataw phihpiak, alu tuahpiakchih khawh a si i alu le ataw tuah man cu Ks.50,000 a si lai.Cun, a duh mi nih tazaru (cuaipia benh le thlaan nalh) zong tuahterchih khawh kan si. Aman i ceih khawh a si, tiah The Hakha Times in kan in thanh hna.
Pu Ni Kam
09445610480

Author: admin

Leave a Reply

Your email address will not be published. Required fields are marked *