RALTHUAM HMANGIN THUBUAI TIH FEL TUM HI KA PAWM LO, US IN TI

Ralthuam hmangih thubuai cinfel tum hi kan pawm lo US in a ti.

=============

Myanmar-ih thil thleng rero mi, Ralkap pawlin nunrawng takih mipi par ih kut a thlak zo hnuah ngaihthiam dil tum leh sal hi kan pawm lo a si tiin US, Forgein Minister cun a sim.

Ram sungah Military council Ralkap pawlin mipi zianghman siar lo ih, an cangvaihnakah cungcangah September ni 7 ah khan NUG Acting President cun Official-ih do let dingin thu an puan ih, hi thuhlaah hin RFA-in US ngaih dan a suhnakah, US Forgein Minsiter thupuangtu cun RFA hnenah a hranpain Email in a sawn a si.

‘NUG thusuah vekin mipi pawl an baih ding thu theih a si zo ih, tun dinhmunah Myanmar ram sungah nunrawng takih, an cangvaih hnuah thiamcan an tumnak hi US cozah cun a pawm lo ih, remnak leh hnangamnak a um theinak dil dingin Email-ah RFA ah kuat thu theih a si.

Myanmar ram sungah hin Covid-19, a karh sin sin ruangah dinhmun harsa pawl leh miliam hleih dank um loin, bangrep ten zoh tlang dingin bawmawk a tul thu a ngan cih bet a si.

Myanmar Military council ralkap pawl cun  mipi pawl an beihnak titawp dingin leh Myanmar in Democracy cozah a si theihnak dingah an mi kaih mi pawl suah dingin US cozah cun a ngen thu US, Forgein Minsiter thuneitu cun a sim.

 

Author: admin

Leave a Reply

Your email address will not be published. Required fields are marked *