CHIN STATE CAPITAL HAKHA AH KAP AW SAL IH UMNAK IN TAMPI A SIAT

Chin state, Hakha-ah tusun September ni 9 zing lam nazi 1 hrawng ah khan military council ralkap leh CDF te chu khaw sungah an kap aw leh ih, kahawknak a nasa deuh ruangah umnak in ziangmaw zet a siat tiah theih a si.

Hakha khaw sung mi pakhat cun, “kahawknak cu a nasa khawp mei, hliam leh thi an um thu cu kan thei hrih lo. Umnak in pawl cu an kap siat nasa ih, In ziangzet ha an kahsiat ti tla theih a si hrih lo. Meithal puak awn a tamih, bomb puak awn tla a tam nasa, ni zan hmasa lam aiin a nasa sawn ih, zing lam nazi 4 hrawng ih sin meithal puak awn vawi 2/3 kan thei zo ih. An kahawknak khal mini lam ih an kahawknak hmun thot ho a si, tiin a sim.

Cu mi kahawk  cungcangah, Hakha khua, Chin-U-Si veng, Myanmar Commercial bank leh Mara Biak In kiangah pukpi mu tlak mi a puah cih ruangah umnak in ziangmaw zet cu a siat ih, hliam an um thu cu theih a si lo.

September ni 7, zan nazi 10 ah khan military council lamin Pukpi hmangin an tawng pa kah ruangah, umnak in a siat bakah insung ih relh mi mipa pakhat cun a darah  meithal mu in a rak hliam zo a si.

Author: admin

Leave a Reply

Your email address will not be published. Required fields are marked *