THANTLANG CDF LEH MILITARY COUNCIL TE INKAHNAAH SIPAI LAMAH MI 15 AIA TAM THI

Thantlang CDP leh Military council te inkahnaah sipai lamah 15 aia tam an thi Military Council sipaite CDM-ah an Luh Chuan, Thantlang PDF Ten Kyats Nuai 60 Pek Tiam

Chin state, Hakha leh Thantlang township inkarah sipai 80 vel leh Thantlang CDF te chu September ni 6 khan an inkap a, military council sipai 15 aia tlem lo an thih thu leh hliam an awm nual thu CDF lamin an sawi.

Chu inkahnaah chuan CDF lamah thi leh hliam an awm loh thu hriat a ni a. Vawiin tlai lamah pawh firfiak sipaite leh Kanpalet CDF, YDF Saw te tangrual chu Chin-Magewi inrina hmunah darkar 2 vel an inkap a, military council sipai firfiak 20 chuang an thih thu leh Kanpalet CDF lamah 7, Saw YDF lamah 3 an hliam thu hriat a ni.

Military Council hnuaia awm, Sipai leh Police te chu CDM-ah an lut a nih chuan Ks.6000000 (Nuai 60) an pek dawn thu Thantlang Township chuan September ni 6 khan a puang.

Military Council ten dan lova mipui an sawisak leh an thah chiam thin avangin hemi do let tura mipui lamtang reng reng te Thantlang CDF te hian kan welcome vek che u a. Military Council sipaite, in ralthuam nen mipuite thlawpa CDM lut reng reng chu lawmman tha tawk pek an nih dawn thu an thuchhuahah an tar lang a.

Heng bakah hian rokhawlhna avanga ralthuam tel lova CDM-a lut duh an awm pawhin mipuite hian duat takin awmhmun tha tak buatsaihsak an ni ang tiin Thantlang PDF pawlte chuan an tar lang bawk a ni.

 

 

Author: admin

Leave a Reply

Your email address will not be published. Required fields are marked *