KALAY (RCH) COMMANDER, MILITARY COUNCIL- IN KAI

Kalay Regional Command Headquarters (RCH) Commander Major General Than Zin Oo cu Kani khuaah ralkapin mipi 40 lenglo an thah cungcangah hremna pek an tum thu thu rel um nan tuah cuan eiruknak thubuai ruangah Military council thuneituten an kaih tak thu DVB-in tuni sun hlanah khan a tarlang.

Kan dung deuh ah khan KaNi hmunah military council ralkap battalion 44 leh 99-a force ziangmaw zat hmangin mipi 40 lenglo a rualin an thah ruangah, National Unity Government (NUG) cun war criminal thubuai hmangin leitlun court-ah khin (tazacuai) theihnak a buaipi rero a si.

Cutih rualin Kalay RCH hnuaiih ralkap15 pawl cu September ni 3 leh ni 4 hrawngah khan Kalay sim sak lam In-Chun, Sia-taw, Yishin khua kahawknak ih sin an rak tlan ho zo ih, Cumi cun thuneinak sang sawnte an ti thingheng nsaa tiin rel a um.

Tusun ah hin Loikaw Regional Command Headquarters (RCH) Commander Major General Thun Naing Oo khal military council lamin an kaih a si tiah theih a si, Major General Thun Naing Oo cu Loikaw-ih operation a neihnakah military council ralkap pawl cu a na sawn leh thi tam sawn an si theu ruangah, operation duty la serious lovah puhin hremnak pe dingin kaih an si.

Tuih an kaih mi, RCH commander-pawl hi January thla, thuneihnak lak hlan, aiawh dinhmun fangih ret mi, Naypyidaw region Commander General Thaun Hteih Swe te hi kawm ngeih aw zet mi an si ih, General Thaun Hteih Swe cu tu hlanah cun Sr. Gen. Min Aung Hlaia ih mi rin bik pakhat a si ih, Defense Commander-in-Chief si thei ding khawp ih mi theih hlawh zet mi a si.

 

Author: admin

Leave a Reply

Your email address will not be published. Required fields are marked *