Burma ram uk nak ttha lo teikhawhnak dingah UN le vawleicung ramkip sinah bia a chim

NUG Ka Ttanh Bak Hna.”Asinain D-Day An Thanh Ve Mi Hi Cu Ruah A Phu Fawn: Burma ram nawlngeihnak hriamnam i bochan in uknak,nawlngeihnak hranhram in,Min Aung Hlaing le a nau le hn a nih an laak i cucu ram chung,State dihlak le Division dihlak ah mipi kilvengtu hriamtlai phu an dirh i,cucu Tlangcung mi hriamtlai phu a tam u hna he lungkhat te in ralhrang pawl an doh hna i an dohnak hna hi thla 5/6 chung a si cang i,hi chung ah hin ralhrang a thongthong in an thih bantuk in mipi vengtu hriamtlai le mipi hna zong tampi an nunnak a liam ve.


Burma ram uk nak ttha lo teikhawhnak dingah UN le vawleicung ramkip sinah bia a chim i hmalaknak a ngei bik mi cu,NUG hna hi an si i ram mipi zong nih kan bochan dih mi hna phu pakhat an si.Anmah ah hin ram mipi hna cu kan i hngat dih i i hngattlak zong ah kan ruah dih cio hna.Asinain,an dirhnak in a tutiang ah kai theihpalh lo ahcun,PDF maw CDF maw,Tlangcung hriamtlai phu hna sinah hriamnam an cawk piak hna,hriamnam an bawmh hna ti thawng theih mi a um lo.

Hriamnam bawmhnak pakhat zong ngeih ttunglo in D-Day kan thanh an ti huar ko.Hihi cu kan pupa hna nih zungthluk i an ngeih mi,midang kut in rul tleih timh’tiah an ti mi kha a tu NUG bak hi an si ti khawh dingin an um.PDF maw CDF maw hriamnam tlingte an bawmh khawh hna lo hmanhah3% tal cu bawm hnaselaw thil hi ningcang a tlai deuh hnga,a tu an tuah ning hi cu ningcang a tlai lo taktak mi thawngthanhnak le cawlcanghnak men ah ruah khawh dingin an um.

A zeidang an cawlcanghnak cu uar an um tuk,asinain D-Day kan thanh an ti mi hi cun ningcang tleihlo ngaingai a si.Hi ti ka ttial tik ah hin an mah dohkalh ruangah a si lo,keimah luklak le nangmah luklak nih dohkalh ding phun zong an si lo ti cu kai fiang ko.

Note:HI kongah nang zeitindek na ruah ning le na hmuh ning a si ve?
Credit:Tinduh Thang

Author: admin

Leave a Reply

Your email address will not be published. Required fields are marked *