Paletwa Sami khuaa Kan chin unaute chu sipai nunrawng ho a vangin Ei tur Thlachhamin mipuiin harsatna an tawk tan

Paletwa Sami khuaa Kan chin unaute chu sipai nunrawng ho a vangin Ei tur Thlachhamin mipuiin harsatna an tawk tan.

Chin state Paletwa, Sami khuaa ei leh bar chawk luhna ber kawngpui pahnih a pin tak avangin, Sami khaw chhungah ei tur an tlachham tan tih tualchhung miten an sawi.

Paletwa township, Sami khuaa ei tur chakkhai phur luhna kawng ber Rakhine state Chauhtaw-Sittawe kawng chu Covid inkai darhna nasat avangin, khar a ni a. Kawng dang pakhat Matupi-Mindat-Pakauhku kawng chu inkahna a chhuah deuh reng avangin kal tlang theih a ni lo bawk a.

Tualchhung mi pakhat chuan, “Tunah chuan chaw dawrah pawh chaw a ei theih tawh loh. Buhfai lei tur a awm tawh lo. A chhan chu he kan chakkhai lak luhna kawng vang hi a ni. Miten kawng a ping dawn tih an hriat veleh inchuhin an lei nghal sup sup a, ni hnih khat thil thuah buhfaite chu a zo nghal vek a, thil dang mamawhte pawh kan tlachham tan a, kawng lah chu a ping tlat bawk si a ni,” tiin a sawi.

Sami khaw chhunga ei leh bar lakluhna kawng chu August thla tir lam atang khan khar a ni tan a, a awm ang anga inchuha an lei tanna erawh chu August thla tawp lamah a ni a. Tunah hian Paletwa township, Sami khaw chhungah buhfai bag khat sing 40000-80000 vel a ni a, a rate hi chi thum vel a awm bawk a. Thuneitute hnenah mipui mamawh chakkhai lak luh theih dan kawng dapin an dil mek tih hriat a ni.

Sami khuaah hian mipui sing 5 vel an awm a, military council sipaite leh Arakan Army (AA) te inkah avangin mipui 5000 vel chu an raltlan lut bawk a ni.

 

Author: admin

Leave a Reply

Your email address will not be published. Required fields are marked *