Tuzan Hakha Khuapi Chung Thil Cangmi Fianternak

Hakha ah meithal zuun 200 tluk puah thawng pehtlai in a thang.September 4, 11:00 PM in atu 11:50 PM tiang (ca kan tial tiang) Hakha hmun tam nawn ah meithal zuun 200 hrawng puah thawng pehtlai in a thang, Sang tam nawn ah a puak rua tiah khuami nih an ruah i an lungrethei, tiah kan theih.

“Suhpawng Zung ti mi Zungkip fonh Penguk Zung (GAD) riantuan pawl umnak inn zong an pem len an ti. Cuka hrawng puah thawng hi a fak (tam) khun rua tiin ka theih ko,” tiah khuami pakhat nih The Hakha Times ah a chim.Cun, midang pakhat nih, “Ka theihnak ah Chin Oo Si sang Suhpawng zung (Zungkip fonh) asiloah Economic Bank pawng ah a si ko.

Nain, hawi nih an theihnak aa dang cio i Sang tam nawn ah a puak i si kho men,” tiah khuami pakhat nih The Hakha Times ah a chim.Hi kong ah, “Zungkip fonh (Suhpawng zung) pawng ah a puak a ti mi an um. Economic Bank pawng ah a ti mi an um. Cozah Zung pawng ah a ti mi an um. Khuathar BOC pawng ah a ti mi an um.

Nawi kuang lei ah a ti mi an um i Khuahlun Na-Ta-La lei ah a ti mi an um ca ah khoikazawn set ah a puah hngalh a si lo i Hakha Sang kip ah puah dawh a si ko,” tiah khuami hna nih The Hakha Times ah an chim cio.Meithal aw hi a tlawm bik zuun 100 in 200 kar a si lai. Pehtlai in a thang nain khoika Sang pawl set ah dah a puah, zeiruang ah ti a fiang kho rih lo nain Chin Oo Si Sang si dawh in an chim cio.
Hi kong ah The Hakha Times nih thawng kan fehter khawh mi a um rih lo.

Credit: Laica + The Hakha Times

Author: admin

Leave a Reply

Your email address will not be published. Required fields are marked *