Report Petu Dalan-te Hnena Sum Pek Tiam Hnuah Sagaing-ah Mi 3 Man Nghal

Report Petu Dalan-te Hnena Sum Pek Tiam Hnuah Sagaing-ah Mi 3 Man Nghal.

==========================

Reprot petu (Dalan) in awm chuan lawmman atan Kyats 500000 (Nuai 5) kan pe ang tia Military council-in thuchhuah an siam hnuah Sagaing Region, Sagaing Township-ah mi 3 te chu September ni 1 khan man an ni nghal thu tualchhung mi pakhat chuan a sawi.

An man zinga laina hnai pakhat chuan, ‘ Tleirawl an man takte hi hektu awm vang a ni chiang a. Chue Luu khuaa Kyaw Zaw Heing tia koh Zaw Zaw leh Suang Chet khuaa Tant Zin Aung leh Aung Zin Phyu te an ni a. An Training laia silai leh uniform an kawlte an laksak a ni’ tiin a sawi.

Heng bakah hian Yua Tit Kyi khuaa Doctor pakhat a tlanchhuak hman tih hriat a ni bawk. Sagaing khawpuia hian heng mi 3 te man chungchangah Sagaing District, Council Office lam chuan, “Chue Luu khuaa Kyaw Zaw Heing tia koh Zaw Zaw te chenna inah Silai Point .22 leh silai mu 25 man a ni a. Suang Chet khuaa Tant Zin Aung leh Aung Zin Phyu te awmna room-ah Silai tawi 1, Silai sei 1, rawlrala chetnaa an hak thin Uniform 3 kan laksak a ni,” tiin an sawi.

Heng bakah hian an thu dang bawh zuiin, tlanchhuak hman ta, Yua Tit Kyi khuaa, ha Doctor inah Sipai leh Police te kalin, an check leh a, inchhawng lamah silai point 22 sei chi 3, silai mu 25, puak thei detonator 8 leh a huana a phum ruk, tualchher silai 7 an mansak thu, an man zinga tel ve lo mi pakhat chuan a sawi.

Report tu, hektu (Dalan) an awm chuan lawmman kan pe ang, tia Military council-in a puan zar hnu hian Sagaing Region, Township 37 zinga Township thenkhatah August ni 27 hnu lam atang khan ni 7 chhungin mi 24 chuang an man tawh thu record atangin a hriat theih a ni. Crd The Tahan Post

 

 

Author: admin

Leave a Reply

Your email address will not be published. Required fields are marked *