NI KHAT SUNGIN COVID-19 POSITIVE MI 4300 LEH THI MI 110 UM

Township 120-ah Stay At Home an puang , Myanmar ram sungah, ni khat thil thu-ah Covid-19 Positive mi 4300 hmuh a siih mi 110 an thih bet thu Miliatry, Ministy of Health and Sport cun September ni 2 ah khan a puang.

Hi mi, an thu puan hi Ralkap cozahnak duh lo ih CDM-ih lut mi Sizing leh Laboratory ih  zohdiknak tel lovin Ralkap kut hnuaiih Tatmadaw Sizung in ih sin theih a si, fiangten theih a si hrih lo.

Ministry Headquarter ih sin an puan dan ah cun nazi 24 sungin mi 35248 an test mi lakah 3459 Positive hmun an si ih, hri kai zat 9.81% an si.

Sizung ih tuamhlawm dam zo mi pawl hi mi 1953 an si ih. Tu rihah cun Myanmar ram sungah Covid-19 ruangih thi mi 15600 an um zo ih Positive mi 406099 an si.

Hi Covid-19 hrik a karh ciamcoruangah ram sung zirnak School leh Office dang dang khar a si hrih ih, September thla tiang a karh sin sin a si tiin Military council ralkap pawl cun an puang. Himi ruangah hin ram sung Township 120-ah Stay At Home an puang phah a si.

 

Author: admin

Leave a Reply

Your email address will not be published. Required fields are marked *