Mandalay a Police station leh out post te darkar 24 chhunga ven reng a ngaih avangin, police te chu an chau hle

Mandalay a Police station leh out post te darkar 24 chhunga ven reng a ngaih avangin, police department lama police-te chu an chauin, an nih dan tur an pha thei tawh lo niin Mandalay lama police nena inkaihnawihten an sawi a.

Mandalay khuaa police station-te chu a khat tawka beih a nih thin avangin, security ti khauhin, duty-na hmun a tamin petrolling neih bakah thubuai enfiah leh hnuchhui tur a tam bawk avangin police ten chawlh hun mang an nei thei tawh lo a, duty laia mu thlu tawk an awm nual niin an sawi bawk a.

Military council ten sorkarna an lak hnu hian Sipai te chetna rawva tak duh lova mipui lama tang ta Sipai leh Police te hi mi 2500 vel an nih tawh thu Mipui Khawngaihtu Pawl leh CDM Myanmar Police Channel te record bu-ah tar lan a ni. Heng zingah hian Major te tiamin sipai mi 1500 chuang leh Police Major tiamin Police mi 1000 vel an tel thu hriat a ni a.

Report petu (Dalan) in awm chuan lawmman atan Kyats 500000 (Nuai 5) kan pe ang tia Military council-in thuchhuah an siam hnuah Sagaing Region, Sagaing Township-ah mi 3 te chu September ni 1 khan man an ni nghal thu tualchhung mi pakhat chuan a sawi.

Report tu, hektu (Dalan) an awm chuan lawmman kan pe ang, tia Military council-in a puan zar hnu hian Sagaing Region, Township 37 zinga Township thenkhatah August ni 27 hnu lam atang khan ni 7 chhungin mi 24 chuang an man tawh thu record atangin a hriat theih a ni.

Author: admin

Leave a Reply

Your email address will not be published. Required fields are marked *