MYANMAR RALKAP BAWI OFFICER TRAINING DING MITHAR AN HMU THEI LO

Army cadet zir duh mi 100 hrawng fang in dilnak an theh lut, Myanmar Military Council ralkap cozah cu tuhlan lo vekin Civil cozah hlawn ih thuneihnak an lak hnuin Ralkap bawi officer training ding Cadet (Recruit New Officers) an duh khawp an hmu thein awn lo.

2.9.221 (Thursday) ah khan ralkap council in an thunun chanchinbu leh TV etc. media dang dang pawl cun Ralkap Officer Training ding ih kohnak an puarzar mi cu dilnak ( application) thehlut can bituk a liam zo hnu in a vawi 2-nak hrang ah dilnak can an pek bet sal tiin a puang sal a si.

Hi vekih dilnak can an pek bet nak san hi officer cadet zirtu ding an duh khawp an hmuh lo ruangah Covid 19 hrileng thawh 3-nak a karh tuk tiin puahhlam tuahin an ti muangcang ih can an pek bet a si tiin an puang.

Kum dangah cun ralkap officer si thei dingin Military College dang dangah cadet 1,200 vel zir dingin candidate sing thawnghra lenglo in dilnak an thehlut theu a si, tukum ah cun Myanmar ralkap council cozah cangvaih dan tha lo tak leh duh um lo tak leh mipi thlawpnak an dawn loh ruangah  ralkap officer zir duh an um nawn lo ih, a dil um sun pawl khal, Ralkap leh police sungkhat naivai pawl lawngin an dil tiah theih a si.

Captain Lin Htet Aung tiih theih mi ralkap thuneihnak pawnglak duh lo ih dotu leh, People’s Embrace pawl dintu cun nitin in ralkap 5 ihsin 10 hrawng hi an umnak unit suahsan in mipi kilhimtu pawl PDF lamah an lut a si a ti, Mini tiang kan theih dan ah cun ralkap pawlin thuneihnak an pawng lak ih sin mi 1043 cu ralkap firfiak pawl kut tuarin an thi zo tih (AAPP) the Assistance Association for Political Prisoners pawlin thusuah a tuah a si.

Tu hlanah cun thangthar mino phunhra Matric pass pek leh cathiam graduate thar hrisel tha tak tak pawl cun mi raltha leh mi huaisen ralkap officer si cakin Military Officer Training luh tumin an tlar aw nasa theu ih, tuah cun ralkap si hi an ningzak ruang ah Military Officer si theinak Myanmar military schools 3, Defence Services Academy, Defence Service Technology Academy and Defence Services Medical Academy ah zir duh an um nawn lo.

Hi mi course zir suak pawl hi Army,Air force leh Navy ah commissioned Officer an si ih, Leutenant or Second Leutenant rank pek a si theu. Chin tlangval Military Engineering officer cadet leh Military Medical Officer Cadet zir rero mi khal an um ih, an thinlung a buai nasa tiah theih a si

 

Author: admin

Leave a Reply

Your email address will not be published. Required fields are marked *