METRO WHOLESALE MYANMAR TITAWP DING

Ralkap thuneihnak lak ruangah, German company METRO Wholesale Myanmar cu October thla cem lamin tihtawp a si ding thu theih a si.

German based ei leh in lam wholesale-ih zawrnak METRO Wholesale Myanmar cun Myanmar ram ih investment a fehpi rero mi cu kum 2021 October thla ihsin tihtawp a tum thu official-in a puang zo ih. Metro Myanmar hi kum 2019 March thla ah khan dan vekin Myanmar market-ih rawn lut a si ih.

Asinan, tun lai dinhmun leh boruak thlaithleng awk cu METRO Myanmar-in a thlirih a feh dan phung pangngai ih fel vivo dingin harsatnak a um tan ruangah  tukum October thla cem ih tihtawp a tum a si tiin an tarlan a si.

METRO Myanmar cun Yangon Ti-La-Wa Industrial zone-ah US dollar tan 20 lenglo man shopping mall leh store building a nei ih, ei ding phun phun pawl online system-in a zuar suak a si.

Online Mart leh Retailer khal Myanmar ram pumah hawn tumin project a rak fehpi nasa zo ih Hivek ih titawp a tum cungcangah hin customer-te theihthiamnak a dil cih a si. METRO hi Myanmar ram ih foreign company investment nei milian pawl lak ah tla a tel ve ban a si.

Author: admin

Leave a Reply

Your email address will not be published. Required fields are marked *