Kalay Gangaw Karlak Kahdohnak Ruangah Kalay Peng Khuate Ralhrang Nih An Luh Hna

Kalay-Gangaw karlak ah SAC Mithat phu le PDF (Kalay) kar kahdohnak ruang ah khuachung inn an khangh.September 3 nihin zinglei sang Kalay-Gangaw kar ah SAC mithat phu le PDF (Kalay) karlak ah kahdohnak a chuak i SAC mithat phu hna nih Kalay pawngkam khua cheukhat chung ah lut in khuami hna inn mei in an khanghpiak hna tiah Gangaw Youth Voice nih a langter.

Hi kahdohnak ruang ah SAC Mithat phu lei a thimi le hliam a tuar mi an um kho. Cun, PDF Kalay lei in minung pahnih hliam an tuar ve tiah theih a si. Cun PDF (Kalay) nih 2021 September 3 zaan i cathanh an chuah mi chung ah, “Atu a chuak mi kahdohnak ruang ah Gangaw-Kalay kar motor a kal tawn mi hna nih lutchuak lo le kal lo rak i zuam hram uh. Nawl ngai loin nan luhchuah i SAC lei nih pakhat khat an in ti sual hna a si ahcun tuanvo kan in la hna lai lo,” tiah an telh chih.TheHakhaPost

 

Relchap: Kawlramah Civilwar (D Day) achuah tikah Tuluk le Russia nih ralhrang an dirpi lai lo.Kawlram pumpi kahdohnak a chuah tikah (D Day or Civilwar) hin Russia le Tuluk nih ralhrang abawmh hna lai tiah thinphang in kan um cio,tuhlan zongah UN Security Council meeting zong ralhrang dirpi tu lusu tu bik an rak si ko tikha chim tam hau loin zapi theih si ko.

Tuluk kongah,Tuluk cu rul bantuk in a zirmi a si caah SAC ralhrang an der dingin a hmuh ahcun a pelte hmanh ralhrang a bawm hna lai lo; NLD nih cozah arak tlaih bak khan Daw Suh cu Tuluk cozah nih rak kan tlawng tiah an sawm colh. Suh Kyi party nih teinak ahmuh bak cun Suh Kyi lei le NLD an hoih colh hngap ko. Tutan ah mipi nih tei ding dirhmun kan dir cun Ralhrang hnu a chit colh ko hna lai. Cucu Tuluk lungput cu si caah Tuluk nih ralhrang a bawmh hna lai tiah 15% tluk lawng zumh rih ding si.

Cucaah civilwar a chuah tikah Tuluk nih SAC ralhranga dirpi hna lai ka zum lo.Russia kongah, Russia cozah cu hriamnam zuar in chawletmi an si I hriamnam zuarnak in an ram zong a rummi si nain tu ahcun hlan bantuk in Russia cozah nih hriamnam a sermi hi leicung ram tampi ah a zuar kho ti lo;Cucaah ram sifak deuh simi,N Korea,Pakistan le kawlram ti bantuk hna hi chawlehnak ah aa komhter men mi hna si.

Hi hna ram sifak ukpennak hi attha tiah a dirkamh lo business ah ahman sawh hna bia,biatak in kawlramah civilwar achuah tikah ralhrang a bawm hna lai lo.SAC ralhrang le mipi I tukdoh tikah mipi kan vantthat tuk te dingmi ahcun, bianabia ah Tuluk le Russia nih SAC ralhrang a bawmh ahcun NATO le Europe tthawng tampi nih kawlram a rak bawmh lai,Tuluk le Russia nih ralhrang an bawmh lo ahcun NATO le Europe ram tthawng nih kawlram mipi an kan zuan hnawh hlei lai lo,cathanh luklak in ralhrang mawhchiatnak an chuah te ceo lai si ko.

Credit: Chinland 7 post

Author: admin

Leave a Reply

Your email address will not be published. Required fields are marked *