Myanmar Deputy Commander-in-Chief Gen. Soe Win chu Russia ramah feh

Myanmar Deputy Commander-in-Chief Gen. Soe Win chu Russia ramah feh Myanmar military council ralkap lu bik dawttu, Vice Chairman of State Administration Council leh Deputy Prime Minister sinak kai tel tu, General Soe Win cu Russia ramah mini zing lam ah khan a a zam suak tiah theih a si, hiti hin tun thla 3 sungin ralkap hruaitu lulawk pathumte cu Russia ramah an feh zo tinak a si.

Military council ralkap thusuahah cun General Soe Win cu Russia Defense Minister-in International military skills competition show-ih tel ding leh Russia military hotute bakah cozah hruaitu pawl thawn beaw dingih an sawm thu  tarlan a si.

General Soe Win-ih rualin Deputy General Aung Soe leh ralkap officer dang pawl khal an feh ve ih,  August thla ih International military skill competition neih tak hawnnak ceremony-ah khan military Chief (Army/Navy/Air) Coordinating Officer, General Maung Maung Aye khal a va tel zo ih , tunah a kharnak ceremony-ah Deputy General a tel ve sal ding a si.

Tun tumih Deputy General Soe Win- a feh hi ralthuam lam dawr awk ding cungcang bakah leitlun ram pawl ih, pawmpinak leh thlawpnak hmuh tel thei a beisei thu mi thiam pawl cun an sim ih. Sr. Gen. Min Aung Hlai khal June thla ah khan Russia ramah a zam lut ih chawimawinak khal a rak dawng zo a si.

 

Author: admin

Leave a Reply

Your email address will not be published. Required fields are marked *