Mizoram Education Minister in Myanmar raltlan Nauhak pawl Tlawng /School a lut ter thluh ding

Mizoram Education Minister in Myanmar raltlan Nauhak pawl Tlawng /School a lut ter thluh ding

============================

Mizoram Education Minister Pu Lalchhandama Ralte cun Myanmar ih sin Mizoram ih raltlan rawn lut Chin nauhak Tlawng/school kai rualtete cu hnam leh miphun thleidannak um loin, Tlawng/school an kai thluh ding a ti.

Mizoram-ih Chin raltlan nauhak zirnak thuhla thawn pehparin August 31, ni ah khan Mizoram ih raltlana um mi Myanmar MP te leh Mizoram Education Minister kawmawknak an neih a si ih, Myanmar MP pawl cun  Education Minister Pu Lalchhandama Ralte hnenah raltlan nauhak tlawng kai rual tete cu Mizoram ah tlawng/school an luh theinak dingin an rak sim ih, Minister Pu Lalchhandama Ralte cun Myanmar MP te ngennak cu ngaih pawimawh sakin Myanmar raltlan nauhak tlawng kai rual tete hmuah hmuah cu Mizoram ih tlawng  luh an sian sak thluh a si.

Mizoram Education Minister Pu Lalchhandama Ralte cun Myanmar MP raltlante hnenah ‘ Myanmar ram tual sung buainak ruangih Chin mipi pawlin harsatnak an tawng cu pawi a tih thu leh Mizoram cozahin nan harsatnak pawl a thei ring ring ih a ti thei tawk cinah  tanpi vivo dingin Mizoram cozah cun a zuam thu khak a sim a si.

Mizoram Education Minister Pu Lalchhandama Ralte leh Myanmar MP raltlante kawmawknakah hin Mizo Zirlai Pawl( MZP) President Pu B Vanlaltana khal a tel ve a si. Mizoram ah hin Myanmar raltlan nauhak tlawng/school kai rual mi 300 an um zum a si.

 

Author: admin

Leave a Reply

Your email address will not be published. Required fields are marked *