Hakha Le Thantlang Karlak Ah Bible Ka Donmi Le Ka Fianthar Mi

BIBLE KA DONMI LE KAA FIANTHARMI.Nikum ahkhan, Hakha ah Crusade tuahin a kan tlawngmi, Thawngțhachim saya pakhat kan unau pa cu motor in Thantlang ah ka va thlah i ka kir colh. Ka kir lei cu THIANG THLARAU he lawng kan si caah, BAWIPA thangțhat ning ka ti i, Vankham Tlang chuah chuk hun zuanka hrawng ( meng 16 hrawng) in kaa thok i, Haleluia ka au pah lengmang i Hakha khuathar luh lai tiang ka au!.

THIANG THLARAU nihcun, Hakha khuathar luh lai te ah ka nunah bible a hun ka pek! Cu bible cu Zekhariah 9:13-15 hi a si.9:13 Na fapa hna cu ka țhangh cang hna maw zion, Ralkap vainam ah ka ser cang hna. 9:14 BAWIPA cu an cungah a lang lai i a thal cu nimtlau bangin aa lek lai; BAWIPA PATHIAN nih muko a tum lai i thlanglei țotho he khan a kal ti lai. 9:15 Ralkapbu BAWIPA cu an phaw a si lai; annih nih an ral kha an tei hna lai, lungherh chehnak kha an lamh hna lai.

Chang 13nak i, “Na fapa hna cu ka țhangh cang hna maw zion,” timi tak hi ka nunnak i a hun ka peknak tak cu a si i, inn ka phakin bible ka hun rel tikah, thlarau leiin BAWIPA nih a kan țhanghnak ding a si lai tiah ka tuak. Zeicahtiah thlarau lei țhanghnak a umnak ding caah, thlacamtu le BAWIPA biakam a hngaktu ka si caah a si.Sihmanh selaw, naite ah ka bible don mi Zekhariah 9:13:15 hi ka hun zoh țhan tikah, thlarau țhanghnak a va si khawh ko buah, nihin kan ton cuahmah hi a rak sawh ti kha ka hun i fiang țhar!

 

Relțhan hna usih. ” Na fapa hna cu ka țhangh cang hna maw zion, BAWIPA cu an cungah a lang lai i a thal cu nimtlau bangin a lek lai; BAWIPA PATHIAN nih muko kha a tum lai i thlanglei țotho he khan an kal ți lai. Ralkapbu BAWIPA cu an phaw a si lai; annih nih an ral kha an tei hna lai, an lungherhchehnak lung kha an lamh hna lai.”Hrilh fiah len hau ti lo in, tu lio thil a cangmi le a cang lai ding le kan mino hna he hin vun tuak chih ulaw nan i fiang ko lai dah.

Tluang Lian (Martar)

Author: admin

Leave a Reply

Your email address will not be published. Required fields are marked *