Myanmar ah COVID-19 Sii Deu a Phan tiah WHO nih Ralrinnak Pek

World Health Organization (WHO) nih Myanmar ram telh in India le Uganda ram ah COVID-19 runvennak sii COVISHIELD a deu an phan, tiah August 31 ah ralrin peknak a chuah.Myanmar ah a phanmi COVISHIELD deu hliah khawh ning:

(1) Exp. Date ah “07.1 1.2021” tiah an ttial.
(2) Mfg. Date ah “08.05.2021”tiah an ttial.
(3) COVISHIELD timi cafang fonh an palh i, “COVISHELD” tiah an ttial.
(4) COVISHIELD sii dur cung i “Recombinant” timi cafang kha a deu ah cun “Recombination” tiah an ttial.

Relchap: Chin Person of the Year Thawngthanhnak.Kan dihlak kan ton cio bantukin, 2021 cu kumdang he aa lo hrim lo. Covid-19 zawtnak in siseh, kan kawlram uk tthalomi buainak ruangah, kan miphun caah ahar lio ngaimi caan asi.Cu he pehtlaihin, CYONA Chin Person of the Year thimmi zong kumdang he aa dang deuhin kan rak tuah.

Hi harnak caan ah, kan miphun chungin pumpak in siseh, buu rianttuannak in siseh, a lamkip in rianttha a ttuanmi upatnak pek ding le zohchunh awktlak tampi nan um.Mipi nih ruahnak pekmi zoh buin le CYONA upa rianttuan liomi hna ruahnak funtom in, Person of the Year a thimtu buu nih 2021 Chin Person of the Year cu Chinland Defense Force (CDF) kan rak pek hna.

CDF cu kan Chin miphun luatnak kan hmuhkhawhnak ding caah ralttha ngaiin miphun le ram kilvengtu le nunnak tiang a petu an si. Hlanlio kan pipu miralttha hna nih, mirang ralkap an rak doh hnabantukin, nihin ni zongah CDF nih kawl ralkap ttha lo zong an doh ve hna.

Kan Chin miphun nih pipu ram kan i ngeihchunhmi, kilven ding le a kilvengtu ttanpi ding cu kan rian cio asi. CYONA nih Chin State chungin hmunkip ah dirhmi CDF-Tonzang, ZFU, CNDF, CDF- Thantlang, CDF- Hakha, CDF – Zophei, CDF – Lautu, CDF – Zotung, CDF – Mara, CDF – Matupi, CDF – Mindat, CDF – Kanpetlet, CDF – Palehwa, CDF – KKG nan dihlak upatnak kan in pek hna. Kan miphun le kan ram nan kilvennak le nunnak nan pekmi cungah CYONA nih kan in dirpi hna i lunglawmhnak kan langhter.

Credit: Chin News Update

Author: admin

Leave a Reply

Your email address will not be published. Required fields are marked *