China Special Representative Pawl Myanmar-Ah An Ra Tlawng

China cun NLD party thiat lo dingin Ralkap council cozah a sim, Chin ih special representative Mr.Sungawsan leh a rualpi pawlte cu Myanmar caretaker cozah hruaitu Min Aung Hlaing ih sawmnak vekin 21-28 August thla sungin Myanmar ram ih an ra tlawn thu China in an puang suak ih, hi hi Military council ralkap cozah cun mipi theihah  a puangzar lo thung a si.

Chinese Palai pawl cun Self-styled Prime Minister Min Aung Hlaing leh Military council cozah ih Foreign Minister Wanna Maung Lwin- leh Maj.General Ya Pyih- khal an hmu tiah theih a si.

Chinese palai pawl cun China ram in Myanmar thawn kan rualpi that awknak leh kan pehzawm awknak hi Myanmar mipi hmuah hmuah hrang a si ih, Myanmar tuasung buainak um rero mi hi dan vekin cingfel dingin an duh ih, tu naite ih NLD party thiah an tum cu tha an tih loh thu leh Politics thil hi cabuai ih hmaitawn awih rel tlang hi China ram duhdan a si tiin an sim.

China cun ASEAN (five-point consensus) thusuah 5 ti hlawhtling zang dingin a bawm ding thu a sim cih ih, Ramleng lam ih Myanmar ramsung ih thil rawlhawknak hi a rem thei lo ding ih, Democracy takin ram sung remnak leh muannak a thlen hi a beisei ruangah hitivek lam ih Myanmar ram tanpi ih hma la dingin leh bawm dingin a man ring ring tiin a sim cih bet.

Myanmar ram hriselnak lam ih hmalaknak leh Covid hrileng donak lamah China cun Myanmar ram hi a bawm ring ring ding tih thu khal an tarlang a si.

China palai pawlin Myanmar ram an rat lawn laiah Myanmar ram UN Special envoy tiih theih mi UN in Myanmar ram hrang ih a ruat mi Palai Ms Christine Schraner Burgener-cun ralkap council cozah in NLD party cu suanlam finfiah hleih theih loh hmangin an thiat hnai tih tu naite ah khan a sim suak ih, NLD Party hi cuti ih ralkap council cozahin in a thiat mai ding hi China cozah ngaihdan a si lo nasa tiah theih a si le ih, NLD Party thiah a duh loh thu khal Caretaker Cozah ti aw pawl hnenah a sim zo a si.

Buainak belhsah zawngin Min Aung Hlaing pawl ih Cozah phuahcawp mi cun NLD party an thiah cun Myanmar ram pumpiah mipi pawl thinheng a sosang leh sal ding ih, China cozah cun Myanmar ram sung ih sumdawnnak thilah a paisa pung nak ding Project tum pi pi pawl hmalaknak a khailak ding ih a sia theh ding tihi a thei ciang ih, Caretaker cozah hruaitu pawl parah a lungkim lo nasa a si.

Tin, Military council cozah cu a thupten bakah langsar takih ziangkim a tanpi ko nan thuneihnak an  lak hnu thla 7 a kim zo hnu khalah ramsung ukawknak leh kaihhruai awknak  a tuah fel thei lo an lungawi lo tan thlang a si, China cun Min Aung Hlaing ih cozah silo, a thunun theih ding mi a dang neih leh mai hi a duh leh sal tiah theih a si.

China cun a project tih khaihhlak ai cun Ralkap cozah in thuneihnak an kai hi hlawn sak leh mai a tum leh salt la a bang.

 

Author: admin

Leave a Reply

Your email address will not be published. Required fields are marked *