UK RALKAP PAWL AFGHANISTAN IH SIN AN LA SUAK FEL

Afghanistan ih sin Britain ralkap pawl cu kan dung zarh Inrinni ah khan an la aw suak fel a si.

Kum 20 sung Afghanistan-ih an um hnuah, British ralkap pawl kim ten an la suak thei ih, Inrinni ah khan Vanzam flight netabik ah an suakiih Afghanistan-ih an ambassador Sir Laurie Bristow khalin mini zing ah khan an ram a thleng ve a si.

Taliban-pawlin thuneihnak an co hnuah British ralkap pawl cun an mi leh sa pawl hruaisuah dingin tawrelnak an nei cih ih, August 14 ih sin khan mi 15,000 lenglo cu UK-ah hruai suah an si. British mi bakah UK cozah leh ralkap hnuaiih rak tuan theu, Afghan mi 8,000 hrawng an hruai suak tel.

US khalin an cakhiah, August 31-ih laksuak theh hman dingin hma an lak rero a si, Kan dung zarh Kabul airport-ih ralkap 5,800 a ret mi khal  mini sun ah 4,000-ah a ti mal zo. Civil mi hruaisuah ding khal 1,000 tha fang lawng an um tiin US official cun a sim.

America ralkap pawl an lak aw suah fel hrawngah airport-ih thuneihnak leh enkawl hna hi Taliban kutah hlan a si ding ih, himi ah hin an technical expert leh engineer-pawl khal an man thep thep zo tih Taliban cun a sim.

Kar hnih liam zomi ah khan Afghanistan ih sin  ram dang mi um leh Afghan mi 1,10,000 lenglo hruai s uah an si zo.

Author: admin

Leave a Reply

Your email address will not be published. Required fields are marked *