Tuzing Cu Kawlram Khualipi A Si Mi Yangon Khuapi Chung Hmun Kip Ah Bomb A Puak

Yangon ah August 30 nihin zing ah bomb puah nak hna kaakip ah a um hnuah South Okalapa le HleTaan telh in peng tam pi ah rallokap hna thazaang tampi chap in mawtaw hna cu an kham hna i an chek hna tiah khuami hn nih an chim.

Tuzing bomb puah ruang ah minung a thi mi le a hliam i cu atu tiang fiang tein chimkhawh a si rih lo.Yangon ramthen chungah February 1 ni ah hramhram in uknak an lak hnu in August 26 tiang in bomb a puahnak hi voi 619 a si cang. Athi mi hna hi minung 84 an si cang tiah rallokap lei chimnak nawlngeitu Zaw Min Tun nih a luancia cathanh fianternak ah a chim.

 

Relchap: Shanram Kahdohnak ah KIA le MNDAA nih SAC Ralhrang Hriam Tampi an Lak.Nizaan (August 28), Shan ramkulh nichaklei, Mungko khua ah KIA le MNDAA (Kokang ralkap) i bawm in SAC ralhrang he kahdohnak a chuak i SAC ralhrang bu in a thimi an tam ngaingai, tiah Shan thanwgzanhnak pawl nih an ttial.

SAC ralbawi pahnih telh in ralkap 100 hrawng an thi lai tiah an ruahdamh i, kahdohnak ruang ah khuami chung in ngakchia pakhat telh in minung 4 an nunnak a liam ve. The Chin Journal

Relchap: Shan ram thlanglei ummi Peng 21 fonh in SSPDF dirh a si Shan ram thlanglei peng 21 ah ‘spring revolution’ cawlcanghnak a tuah mi hna fonh in August 28 ah Southern Shan People Defence Force (SSPDF) fonh a si tiah SSPDF nih a thanh.

Ralhrangbu nih mipi nih sualnak a ngei lo mi le kan bochan mi le kan upat mi ngandamnak riantuan, siangcachimtu hna, sualnak a ngei lo mi siangngakchia hna, biaknak lei hruaitu hna cu an nawlngeihnak a fek khawhnak ding pakhat lawng ruah in an tlaih, an hrem, an thah hna.

Cu ruangah mipi nunnak, ngeihchiah kilven dingin kan dirh mi a si i, NUG, CRPH, Gen. Z, tlangcung hriamtlaibu le hmundang LDF, PDF le mipi he kutsih in ralhrangbu kan doh ti hna lai.

SSPDF cu pumpak, party pakhat ruahnak si loin hriamnam bochan in uknak a la tu le mipi a hremtu ralhrangbu doh ding kan si bantukin mipi nawlngeihnak mipi sin a phanh than khawhnak dingin mipi vialte kan in sawm hna tiah an langhter.

Ref; TNA ( TCP )

Author: admin

Leave a Reply

Your email address will not be published. Required fields are marked *