Military council ralkap-in Dalan-pawl cu ting 15 laksawng pek a si ding thu a puang

Ralkap duhlohnak lantertu pawl kaih thei dingin thuhla petu (Dalan) pawl cu laksawngah  ting 15 ih sin cu hnakin tam bituk cin um lo pek an si ding thu thuneihnak latu Military council hnuaiih Information department lamin an puang tiah theih a si.

Cu thuchhuahah cun ‘cu mi thuhla petu hailang thei dan ih zirin laksawng cu a thupten pek an si ding thu, August ni 27 date hmangin an tarlang a si.

Thuhla petu (Dalan) pawl laksawng pedingih din mi military council member te cu U Thei Nyuint, Man Nayin Maung, U Khin Maung Shwe, Jeng Phang Naung Taung, Daw Aye Nu Sein, U Sai Lon Sei, Dr. Banyar Aung Moe leh U Shwe Chein ti pawl an si.

Anni pawlin hivekih laksawng pek rawtnak ralkap hotu lu Ming Aung Hlaing hnenin an thlen hnuah hi thusuah hi tuah a si.

National Unity Government (NUG) leh a hnuaiih PDF pawl cun military council pawlih kaihhruai awk dan cu thiatbal dingin leh mipi pawl thin phangin hro ih an mah cohlang dingin thahrum thawhnak nitin an cawksuak a si, tiin thu an suah mi ah an tarlang a si.

Tu naite khalah hin, PDF ralkap pawl ralthuam retih peaw ding leh NUG cozah cohlang lo dingin Yangon township thenkhatah ca an tar suak ih, veng sungah motor-in an feh kalih an puan thu khal theih a si.

 

Author: admin

Leave a Reply

Your email address will not be published. Required fields are marked *