Chin Miphun Nih Teinak Le Luat Nak Kan Hmuh Ding Lam Nai Teah A Um Cang

KAN TEINAK HI LAM HLA AH A UM TI LOAbraham nih, BAWIPA a hngah caan kha a sau in a har ko. Sihmanhselaw, Kum zeizat sau dah a hngah cang timi nakin a biadeuhmi cu, BAWIPA nih aa tinhmi caan a hung tlintu kha a si. BAWIPA tinhmi caan a hung tling i, a cing cangmi tarnu Sarah kum 90 nih Abraham cu biakamfa Isak a hrin piak ko. BAWIPA nih Khuaruahhar thil a tuah.

Chin Miphun kan luatnak caah, BAWIPA nih a kan tinhpiakmi caan cu a hung tling cang. Kan teinak le kan luatnak hi lam hlapi ah a um ti lo, lam naite, kan pawngte ah a um ko cang! Hi hnu kum 1, kum 2, kum 3 ah maw, kan teinak le luatnak hi a um ti lo. Aho nihdah, BAWIPA tinhmi caan cu a țhial khawh lai? BAWIPA nih ka tuah lai a timi cu aho nihdah a dawnh khawh lai?

Aho ruang hmanhah kan teinak le kan luatnak hi a si lai lo, BAWIPA kan PATHIAN thawngin a si ko lai.
Cucaah, Chinland caah kum tam a rak riancangmi ram pasalțha/nusalțha hna caah kum 70 renglo a cing cangmi tarnu Chinland zong nih luatnak fa a hrin cang lai i Chin Miphun nih teinak le luatnak kan hmu cang lai.

 

Cucaah, ahohmanh i nuainai in i țhuahțhah hlah u. Nan tuahawk le nan țuanawk cio kha, a caan chungah hin, khulrangin tuahțuan cio ko u. Gen 16:14 BAWIPA nih, ” BAWIPA caah hin zei thil paoh hi a har tukmi a um maw?” a ti ko hih!

Credit: Tluang Lian ( Martar)

Author: admin

Leave a Reply

Your email address will not be published. Required fields are marked *