PRIVATE IN MI TING 3 (300000) LUAN HRANG COVID-19 VACCINE DAWT THAWK

August ni 15 ih sin Myanmar ram sungah cozah fehtlang si lo in, Private-ih tawrelnakin Covid-19 Vaccine dawt/injection thawk a si.

Hi tawrelnak hi China sumdawng milian pawl leh China Ambassy te hmalaknak a si ih. An thawknak hmun hmasa bik cu Yangon, Toh wanah Bumih, Eeban Phet hmun a si ih, a tum khatnakah hin mi 350000 (Ting 3 leh hrek) ih sin 700000 (Ting 7) tiang dawt dingin ruahman a si.

Ram sung khawpi thenkhatah khal hmalak vivo a si ding thu China sumdawng milian pawl cun an sim, Hi Covid-19 Vaccine dawh man hi, tum 2 hrang mi pakhatah Ks.50000 a si, Hi Covid-19 Vaccine hi China tuah mi a si ih, Sinovac tih a si ih, Beijing khawpiih tuah mi a si thu a tuahtute pawl cun BBC an sim a si.

Ministry of Health and Sport fehtlangin ralkap cozah tawrelnak vekin Military council cun January thla ih sin Covid-19 Vaccine an dawt tanih cozahnak an lak ih sin thla 7 sung ah mi Tan 4 leh hrek luan an dawh zo thu August ni 24 tiang list-ah an tarlang a si.

Author: admin

Leave a Reply

Your email address will not be published. Required fields are marked *