Min Aung Hlaing nih mipi runvengtu CDF le hriamtlai hna nih nan hriamnam nan chiah lo ah cun nan cii hmih nan si lai

Nizan tihni ah khan ralhrangbu nih cathanh an chuah mi cu mipi runvengtu hriamtlai phu tampi nan i ser i CDF le hriamtlai paoh nih a tu in nan hriamnam nan chiah lo i karhlan chin lengmang nan i timh a si ah cun a rauh hlan ah nan cii tiang in kan in hmih dih hna lai pin ah kan in hlawnh dih hna lai tiah cathanh an rak chuah.

 

KNDF le ralhrangbu i kahdohnak a fak chin leng tiah theih a si.Ralhrang nih cu bantuk cathanh a chuah ni thok in Loilyinlay(လွိုင်လင်လေး) khua nichuahlei Dawtahay(ဒေါတဟေး) khua pawng ah ralhrang phu hna le Kayinni phu komh kar kahdohnak a chuak

Shan-Kaya ramri, Loilyinlay (လွိုင်လင်လေး)khua nichuah lei Dawtahay (ဒေါတဟေး)khua pawng ah ralhrang phu hna le KA,KNDF phu komh in nihin August 28, zinglei suimilam 7:00 hrawng in kahdohnak a chuak tiah theih a si.

Cu kahdohnak a dih hnu ah ralhrang phu hna nih hriamngan hmang in pehtlai in an kah hna caah kahdohnak fakdeuh in a chuah kho ,cun khuachung mipi hna zong nih a humhimnak hmun ah riahcaw he zaam ding in KA nih an fial hna.

Hramhram uknak la tu ralhrang phu hna nih minung thazaang 300 hrawng he kahdohnak ah an i tel tiah khuachung thawngzamhnak nih an langhter. Kaphnih kar nunnak liam mi hna le hliamhma tuar mi kong ah thawngfiang theih khawh a si rih lo.

Credit: Khit Thit Media

Author: admin

Leave a Reply

Your email address will not be published. Required fields are marked *