Chin Miphun Kan Au Aw Cu Bawipa Nih A Theih Cang

CHINMI THINLUNG NIH BAWIPA A AUH Abraham nih , BAWIPA biakam tefa a hmuhnak dingah kum 25 a hngah. Hi kum hna hi Abraham le Sarah caah a har mi kum an si hna. Sihmanhselaw, BAWIPA tinhmi caan a tlin tikah, a cing i fa a ngei kho ti lomi, tarnu Sarah nih biakamfa Isak cu a hrin! BAWIPA nih Abraham caah Khuaruahhar thil a tuah!

Chin Miphun a dawtu, pasalțha hna le nusalțha rual hna nih, kum 30 renglo an hngah ve cang. Hi kum hna hi a har ngaimi kum an si hna. Rawlțaam, Sifah, zawtfah, thihloh, sunghnak, herhbaunak, chambaunak, lung i khah lonak, derthawmnak, nehsawhnak le tihraamnak a phunphun nih a zelh tawn hna! Ram le Miphun an ruahah biang no mithli a luang tawn.

An thinlung hrumnak le intuarnak cu Abraham le Sarah intuar caan nakin sau ve cang! A lang lo thinlung mitthli he, CUNG NUNG BIK BAWIPA PATHIAN ah i hngatin au tawn hna. Chinmi thinlung intuarnak le hrumnak nih BAWIPA cu a auh! Maw, BAWIPA kan PATHIAN, tarnu Sarah cung i Khuaruahhar na tuah bang a cingcangmi tarnu kan Chinram cung ahhin Khuaruahhar tuah ko.

Nangmah pekmi Luatnak fapa țha hrinter ko. Na sal Abraham caah Khuaruahhar na tuah bantukin kan Miphun caah Khuaruahhar tuah ko.Maw, BAWIPA kan PATHIAN, sifaak hna kan facang nih zeidah a sual i an sawksaam len ko! Run hmu ko, run thei ko, David, Jehoshaphat le Hezekiah na bawmh tawn hna bang kan bawm ko! JESUH MIN in, amen.

Credit: Tluang Lian

Author: admin

Leave a Reply

Your email address will not be published. Required fields are marked *