Myanmar Ralkap bawi pawl thuneihnak an cuh awk maw si, a hnuai  point 6  tarlan a si.

Myanmar Ralkap bawi pawl thuneihnak an cuh awk maw si, a hnuai  point 6  tarlan a si.

================

Myanmar ramah February ni 1 ah khan ralkapin mipi thuneih nak an pawng lak tih cu sim tul loin kan thei thluh a si kha, cu mi thuneihnak an lak hlanah khan Sr General Min Aung Hlaing-in ralkap lakah thuneihnak a lak hmasak thu chu kan thei lo tla a si men the.

Ralkap General pawlin thuneihnak an lak ding tinten an tih teng teng tul mi cu  ralkap pawl lakah thuneihnak lak hmasak a si. Ralkap bawi pawl lakah an mah zuam theitu leh dodal thei tute cu an sinak, hna an celh mi leh an um nak hmun ti vek pawl ti dang lamin an thuneihnak ti nghetin tanrual pi leh lam tang dingin an an tuah hmasa theu a si.

Cu ti vekin General Than Shwe leh General hlun midang pawl khalin an rak ti zo ih, tun tumah khal ah, Sr. Gen. Ming Aung hlai cun Then Shwe leh General dang pawl rawnin a lamtangah a tuah ih, ralkap  thuneihnak leh mipi thuneihnak a la kawp thei a si.

Hman sela, Gen. Ming Aung Hlai-ih thuneihnak lak cu thla 6 a luan zo nan, tun tiangin a hlawhtling tih thei a si hrih lo,  cutih rualin ralkap (military) hmuah hmuah cu a phel siat thluh ding ti cu mithiam pawl cun an hmu cia mi a si, thil um dan ih lang mi 6 cu.

1 Ralkap sungkuaah Min Aung Hlaing ih kaihhruainak solid tawk lo leh mipi in a ning lutuk vekih hmuhnak a um vivo.

2 Buddhist Puithiam hrek khat rinsan lutukih a thiltih leh an thusim umzia nei lo ruang ih, a cangvaih dan ah hlawhtlinnak a um lo

3 Ralkap thuneihnak, khawp tuk mipi beih letnak cu tu hlan hmuah hmuah hnakin nasa sawnin hmaitawn vivo

4 Ralkap tuan duh an um nawn lo ih, military recruitment fehpi theih a sin awn lo

5 Ralkap cu ram leh mipi pawl kilhimtu vekah an hmu nawn lo ih, mipi harsatnak tuahtu leh palbettu an hmu a si.

6 Ralkapin a ti ding mi dan pahbalin, mipi parah nunrawng takih a thil ti mi pawl ( Tehthimnak ah, tharumhmang lo in duhphawrhnak nei lamzawh pawl sniper hmangih an lu ih kahsak ti vek pawl) tawthawhtu bik cu Min Aung Hlaing ih thupek a si ruangah hmin siatnak bakah thisen suak mi ah mawhphur tu a si tiin ralkap tampi cun an hmu thluh a si.

Curuangah, ralkap tamtak cun an kalphung a dik nawn lo tih theiin  mipi lamah an tang vivo ih, CDM zawm ralkap lawng hmanah 1500 an kim zo ih. Ram sung hmun tin kim ih um ralkap pawl khalin tlan suah dan an ngaihtuah ih,ralkap sungkua cu a phel siat rero a si.

Curuangah, General Soe Win leh Min Aung Hlaing ih thuneihnak cu ralkap General dangin an cuh sak ding maw a si lo len, Min Aung Hlaing ih thuneihnak hi Gen. Soe Win-in a laksak ding tih chu kan thlir  a cu thlang a si, A zo mi bi leh ziang mi bik in saw thuneihnak cuhsak ding ti cu theih a si lo nan, thuneihnak cuh awknak cun a thleng teng teng ding ti cu a fiang a si

Ralkap  sungkuaah General Than Shwe- autu pawl an um tih thu theih a su ih Min Aung Hlaing ih hrang ah cun ngai nuam lo zet cu a si lem lo ding, ziang khal sisehla, mipi, PDF, NUG leh EAO pawlin an thil tum hlen suak dingin hnung tawlh loin an feh vivo a tul a si.

Ralkap sungkhuaah thuneinak cuh awknak a thleng tik ah cun 2020 hrilawknak result cu pawm a si ding ih, buainak hmuah hmuah cu  Min Aung Hlaing parah a tlak theh dingih  , mipi hril cozah NLD cu thuneihnak pek a si  sal ding, tih cu thil thleng thei mi a si.

Author: admin

Leave a Reply

Your email address will not be published. Required fields are marked *