YAW KIANG KAP BOMB PUAKAH RALKAP 30 THI

Magwe Region, Gangaw-Kalay motor zinpi-ah Military council ralkap motor feh lai cu Yaw hnam um tamnak Gangaw PDF pawl cun mini August ni 23 ah khan an rak Bomb ih, ralkap motor 3 an bomb siat thu YDF thusuahah an tar lang.

YDF pawl cun, an bomb-nakah hin ralkap mi 30 hrawng an thi ih mi 15 hrawng an hliamhma an tuar ih. Military council cun RPG-in an bei let ve nain YDF lam, hliam an um loh thu an tar lang a si.

Sagaing Region, Tamu hrawngih ralkap tanpi dingih feh mi cu nizan nazi 4:20 ah khan an bomb thu YDF General Secretary leh Information Direction U We Soe Thaih cun a sim.

Gangaw PDF thusuahin an tar lan danin, ralkap motor 8 thlun aw cu motor 4 kan Bomb siatsak ih, mi 30 hrawng an thi ih. A hnu rei loteah, ralkap pawl hnung an tawlh hnu rei loteah ralkap in an run bei let ih, ralkap lam mi 2 an hliam thu Direction U We Soe Thaih cun a sim.

Hi dokahnak hi nizan nazi 11 tiangin Military council ten thusuah zianghman  hmuh a si loih. Gangaw PDF pawl cun  mipi pawl ralring ih fimkhur dingin an sim hmasa ih. Social Media lam tar lan a tul zo thu Tachileik News Agency-a Facebook-ah mini ah khan an tar lang.

 

Nizan nazi 9:30 hrawngah khan Gangaw Township, Nan Kha khaw kiangkap hrawngah Drome pakhat a zam kual nasa tiah theih a si.

August ni 10 zan khalah Gangaw-Kalay motor zinpiah ralkap motor feh lai cu YDF ten Truck pakhat an Bomb siatsak zo ih. July ni 28 khalah Gangaw-Kalay motor zinpi thot ho ah ralkap motor 2 an Bomb siaksak zo thu an tar lang. The tan post.

 

Author: admin

Leave a Reply

Your email address will not be published. Required fields are marked *