Russia leh Myanmar, Ralthuam Leh Khawl Thilah Thawkdun Dawn

Russia leh Myanmar, Ralthuam Leh Khawl Thilah Thawkdun Dawn

Russia leh Myanmar te ralthuam lamah leh Technology lamah thawhdun dan tur an inbuatsaih thu Russia, Vice Defrence Minister Alexander Fomin chuan August ni 23 khan Myanmar Military, Chief of Staff Maung Maung Aye hnena a sawi thu Russia, Tass News-ah an tar lang.

Myanmar hi Asia Pacific chheh vel leh Norh East Asia-a Russia nen inkawmngeih ber a ti a. Thil lungchhiatthlak zawk chu ram chhung inrelbawlah harsatna an tawk nual a, inawpna lamah theihtawp an chhuah mek thu a sawi bawk.

Myanmar sipai palaite hi Russia, Mosco,Patriot Park-a buatsaih tur International Army Games and International Military-Technical Forum Army-2021 Opening Ceremony-ah tel ve turin Russia, Vice Defrence Minister chuan a sawm a.

He function-ah hian Russia leh ram dang siam ralthuam changchang tak tak pho lan tur a ni a, chance tha tak a nih dawn thu leh intihsiaknaah pawh tel a theih thu Alexander Fomin chuan a sawi.

Myanmar Military, Chief of Staff Maung Maung Aye chuan ‘Russia, Vice Defrence Minister Alexander Fomin, duhsakna leh Myanmar Military ten kum tin ralthuam lamah hma a sawn avangin lawmthu a sawi a. Hun rei tak ram pahnih inpawh tawnna a that zel theih nan Myanmar Military ten thu an tiam a.The Tahan Post.

 

 

Author: admin

Leave a Reply

Your email address will not be published. Required fields are marked *