Report Petu Dalan-te Laksawng pe dingin military council hotu pawl thu relnak an nei

CRPH, NUG pawl hrangih paisa hmangih tanpinak leh thilri ralthuam tiangih tanpinak petu pawl hrem an si theihnak dingin report petu (Dalan)-pawl cu laksawng tha tak an pek ding thu thuneihnak latu military council pawl cun rel tlannak an nei.

Military council member U Thein Nyuint, Man Nyain Aung, U Khin Maung Shwe, Jeng Phang Naw Taung, Daw Aye Nu Sein, U Sai Lon Sai, Dr. Banyar Aung Moe leh U Shwe Chan te cun mini August ni 23, Naypyidaw-ih military council meeting-ah laksawng pe dingin rawtnak an tuah thu theih a si.

CRPH, NUG leh an hnuaiih pawlkawm dang dang pawl paisa leh ralthuam lam tanpitute cu anti-terrorism act hmangin hremnak pek a si theinak dingin thuhla (report) petute cu laksawng pek an si ding thu leh mipi theihih puanzar a si ding thu rel tlannak an thu military council Information department cun a tarlang.

Cu bakah Dollar leh Sui market play kualtute kaih ih, firfiak pawl dang dang leh military training leh ralthuam petu ethnic armed group-pawl phit theh thei ding in leh, tunih tharumthawhnak thlentertu kaihih hremnak pek teng teng dingin a pawimawhzia an rel tlang a si.

Ralkap hotu Gen. Min Aung Hlai cun CRPH leh NUG hnuaiih din pawlkawm pawl dan vekin hremnak pek an si theinak dingin tawrelnak tuah a si thu leh ethnic armed group pawl thawn khal lungrualnak leh remawknak ti siat zawngih hmalaknak an neih rero thu a sim a si.

 

Author: admin

Leave a Reply

Your email address will not be published. Required fields are marked *