Moe Kok khuaah lei min ruang ah, mi 11 silhin, ruang 4 lak suah a si zo

Moe Kok khua leimin ruangah cennak in a siat bakah mi 11 lai cu leiminin hnawlin a silh ih, tusun ah khan ruang 4 cu hmuh a si zo thu tuasung tlawmngai pawlin an sim.

Moe Kok khaw thlang lam Aung Tit Lwin vengah tuzing, August ni 24 zing nazi 6 hrawngah khan cennak in pathum umnak a min ih, nauhuak telin mi 11 lai chu leiin a silh hnan ih. Tualsung tlawmngai pawlin khawl hmangin runsuah hna an tuan ih, zanlam 2 hrawngah khan ruang pali an phawrh thei zo tiah theih a si.

Kanpalet khua, Myomah veng no. 2 Aung Ya Ta Na pagoda kiangah military council ralkap pawl bomb kam cu pension la dingih Uh-yin ih sin ra kum 61 mi, nunau cun pal puakin a ke keh lam, khup hnuai lam cu a siat thluh tiah theih a si.

Hi thil thlen mi hi sun nazi 12 hrawng a si ih, township red cross pawl ih nurse pawlin tuamhlawmin  Kanpalet Sizung ih sin Pakauhku sizung lamah an fehpi ih. Kanpalet township red cross pawlih thuneitu pakhat cun, “Bomb kam a pal puaknak hi khaw sungah a si ih, a hmun cu bike leh ke ih fehnak phiatlan (short cut) lamzin a si tiin a sim.

 

Author: admin

Leave a Reply

Your email address will not be published. Required fields are marked *