LEITLUN IH KHAWPI RALMUANG BIK 60 LAKAH YANGONKHAWPI CU A HNUAI BIK AH A UM

Leitlunih magazine lar tak pakhat The Economist cun kum 2021-ih leitlunih khawpi ralmuang bik list 60 a tar suah mi ah Yangon khawpi cu a hnuai bikah a um tiah theih a si.

Cu mi list-ah cun Denmark khawpi Copenhagen cu ralmuang bik leh him bik ih ruah a si. Hi hi kum hnih dan ah zohthimnak neih a si theu ih, cu khawpi 60 zirchiannakah cun ram sungih building sak dan leh himnak, bulpak himnak, environment, hriselnak (healh care system) tiin zoh ding mi 57 a um ih, cu mi ih a that dan result ih zirin ranking tuah a si.

Khawpi ralmuang bik 5 pawl cu Copenhagen, a dawtah Toronto, Singapore, Sydney leh Tokyo pawl a si, ASEAN ram sungah cun Malaysia khawpi Kuala Lumpur cu 32 rank, Thailand ram Bangkok 43 rank, Vietnam khawpi Ho Chi Minh 45 rank, Philippine khawpi Manila 45 rank, Indonesia khawpi Jakarta chu 51-nak leh Myanmar khawpi Yangon cu ranking no. 60-ah a um tiah theih a si.

Ni kum hmasa 2019 ah cun Yangon khawpi cu ranking 55 leh 60 karlakah a um ih, tuah cun dinhmun tihnung um bik dinhmunah a um a si.

 

Author: admin

Leave a Reply

Your email address will not be published. Required fields are marked *