Mah phu 4 nih cun CNF kan herh lo ti deuh in CNF an zuamcawh deuhmi a bang

Mah phu 4 nih cun CNF kan herh lo ti deuh in CNF an zuamcawh deuhmi a bang!! Alliance an tuahmi ah CNA aa tel lo i, CNF he aa pehtlaimi CDF zong alliances ding ah an duh theng hna lo. Chin miphun khuatuak hi Khuaruahhar chin lengmang a si ko! Funtomnak cu a hlaat rih.


CDF-Matupi Phu hnih cu an i fonh cang!CDF Matupi (Cing, Doem le Daai) le CDF Matupi (Ngala)
A cung lei CDF Matupi phu hnih cu phu khat ah an i fonh kho cang. Lung a hmui hringhran. CDF Matupi hi CNF/CNA he hmunkhat ah riantuan t’i dingin biachahnak a ngei cangmi an si. CDF Matupi tthawng chin lengmang ko seh.


Taliban tahchunhnak kong ahcun hriamnam biapi lo, thinlung ralthat a biapi an ti. A ngaingai ah Taliban khi hriam t’hat’ha an ngei, Vanlawng kahnak tiang an ngei. Hriamnam t’hat le ralthat an komh chih i ral an tei. CNA le CDF caah hriamnam a biapi lo thinlung ralthat a biapi a timi pawl chimmi hi lih le hrawkhrol a si. Tuchan raldohnak ah hriamtha ngeih a herh. Hriam t’ha lo nih raltuknak ah teinak a chuahpi kho lo. CNA le CDF hi thinlung ralthat lei cun chimh len an hau lo, an ralt’hat tuk pin ah miphun an dawt tuk.

Nain hriamnam an chambau, hriam ngan, Miakpi, RPG, Meithal phunphun ngeih an herh. Cu ti zalhpiak khawh ahcun ralhrang cu Chinram hrim ah an um ngam lai lo. CNA le CDF ralkap caah thawhburhmi tangka lengluang hi Meithal le Hriamnam ca si loin thil dang ah a lotlau viar sual lai timi hi ka phang cem.Kan ralkap t’hawn khawhnak ding ah Chin miphun caah cun Hriamnam, Meithal a biapi bik, a herh bikmi a si.

Laknak: A Cunglei capar hna hi Salai Thomas Lian fb cahmai ta khawmhsuat mi an si.

Author: admin

Leave a Reply

Your email address will not be published. Required fields are marked *